رەسەيدە بويجەتكەننىڭ مۇرنىنا ءتىس ءوسىپ كەتكەن

 استانا. قازاقپارات - دارىگەرلەر قىزدىڭ مۇرنىنا شىققان ءتىستى وتا ارقىلى الىپ تاستادى.

رەسەيدىڭ تيۋمەن وبلىسى يشيم قالاسىنىڭ № 4 وبلىستىق اۋرۋحانا دارىگەرلەرى مۇرنىنا ءتىس شىعىپ كەتكەن قىزعا وتا جاسادى. ناۋقاس مۇرنىنىڭ بىتەلىپ تۇرعانىن ايتىپ شاعىمدانعان. ول ءبىراز ۋاقىت گايموريتتەن ەمدەلگەن. ناتيجە بولماعان سوڭ دارىگەرگە قايتا قارالادى. رەنتگەن ناتيجەسىندە قىزدىڭ مۇرنىنا ءتىس ءوسىپ كەتكەنى بەلگىلى بولادى.

دەرەكتەرگە سايكەس، ءتىستىڭ باسقا جەرگە ءوسىپ كەتۋ وقيعاسى الەم ەلدەرىنىڭ% 1-4- دا عانا كەزدەسەدى ەكەن.

وتا بىرنەشە مينۋت قانا جاسالدى. ءتىستى الىپ تاستاعان سوڭ، ناۋقاستىڭ مۇرنىنىڭ بىتەلگەنى قويدى. دارىگەرلەر بەس جىل بۇرىن مۇرنىنا ءتىس ءوسىپ كەتكەن تاعى ءبىر ناۋقاسقا وتا جاساعاندارىن ايتتى.