يلون ماسك اقپاراتتىڭ راستىعىن تەكسەرەتىن سايت اشپاق

None
None
استانا. قازاقپارات - امەريكالىق كاسىپكەر، Tesla جانە SpaceX كومپانيالارىنىڭ يەسى يلون ماسك باق- تاعى اقپاراتتىڭ قانشالىقتى شىنايى ەكەنىن تەكسەرەتىن Pravda اتتى سايت اشۋدى جوسپارلاپ وتىر، دەپ حابارلايدى ريا نوۆوستي سايتى.

«ءاربىر وقىرمان ب ا ق- تاعى ماقالانىڭ قانشالىقتى شىنايى ەكەنىن جانە بەلگىلى ءبىر جۋرناليست، رەداكتورعا قانشالىقتى سەنىم ارتۋعا بولاتىنىن تەكسەرۋگە ارنالعان سايت اشۋدى جوسپارلاپ وتىرمىن» ، - دەدى كاسىپكەر.

سونداي- اق، يلون ماسك بۇل سايتتىڭ «پراۆدا» دەپ اتالاتىنىن جازدى. ءبىراق، نەلىكتەن ورىس تىلىندەگى ءسوزدى تاڭداعانىن تۇسىندىرمەدى. ال سايتتىڭ اشىلۋىنا باق بەتتەرىندە Tesla جانە Model 3 كولىگىنە قاتىستى جاريالانىپ جۇرگەن جاڭالىقتار سەبەپشى بولعان ەكەن. سەبەبى، وسى جاعىمسىز جاڭالىقتار سالدارىنان كومپانيا اكتسياسىنىڭ قۇنى تومەندەپ جاتىر.

الەۋمەتتىك جەلى وقىرماندارى كاسىپكەردى ا ق ش پرەزيدەنتى دونالد ترامپپەن سالىستىردى. ياعني ونىڭ دا پرەزيدەنت سەكىلدى ءوزى تۋرالى تەك جاقسى جاڭالىقتار تارالعانىن قالايتىنىن جازدى. مۇنداي سىندارعا يلون ماسك كەلەسىدەگىدەي جاۋاپ بەردى:

«بىرەۋ ب ا ق- تى سىناپ قالسا، الەۋمەتتىك جەلىدەگىلەر «سەن تۋرا ترامپ سەكىلدىسىڭ!» دەپ جازادى. ءبىراق، قالاي ويلايسىزدار، ونىڭ سايلاۋدا جەڭىسكە جەتۋىنە نە سەبەپ بولدى؟ سەبەبى، سىزدەرگە ەشكىم سەنبەيدى. سىزدەر سەنىممەن ايىرىلدىڭىزدار» ، - دەيدى كاسىپكەر.

ول بار پروبلەما جۋرناليستەردىڭ جۇمىسىن جوعالتىپ الۋدان قورقىپ جاعىمپازدانىپ جارناما جاسايتىنىندا ەكەنىن ايتتى. كەيىن الەۋمەتتىك جەلى ارقىلى سايتتىڭ اشىلۋىنا قاتىستى داۋىس بەرۋدى ۇسىندى. بىرنەشە ساعات ىشىندە بۇل ساۋالناماعا 260 مىڭ ادام قاتىستى.

«ەگەر ءسىز ب ا ق وكىلى بولىپ، «پراۆدا» سايتىنىڭ اشىلماعانىن قالاساڭىز، وندا وسىعان قاتىستى داۋىس بەرۋشىلەرگە باعىتتاپ ماقالا جازىڭىز. ولار سايتتىڭ اشىلۋىنا قارسى داۋىس بەرسىن» ، - دەپ قورىتتى يلون ماسك.

 Baq.kz

سوڭعى جاڭالىقتار