ديماشتىڭ قىتايلىق جانكۇيەرلەرى انشىگە تاعى دا توسىنسىي جاسادى

 استانا. قازاقپارات - بۇگىن ديماش قۇدايبەرگەننىڭ تۋعان كۇنى. وسىعان وراي، ءانشىنىڭ قىتايلىق جانكۇيەرلەرى تاعى دا توسىنسىي جاسادى، دەپ حابارلايدى قازاقپارات.

ءانشىنىڭ فاناتتارى ديماشقا ارنالعان قۇتتىقتاۋلارىن استانا، الماتى جانە اقتوبە قالالارىنداعى 100-دەن استام ۇلكەن LED ەكراندار ارقىلى جەتكىزىپ جاتىر.

شارانى ۇيىمداستىرۋشىلاردىڭ ايتۋىنا قاراعاندا، بۇگىن كۇنى بويى اتالعان قالالارداعى ۇلكەن ەكرانداردا ديماشتى تۋعان كۇنىمەن قۇتتىقتاعان ارنايى ۆيدەوروليكتەر كورسەتىلەدى.

 «وتكەن جىلى دا ءبىز وسىنداي شارا وتكىزگەن ەدىك، ول كەزدە تەك استانا قالاسىنداعى LED ەكراندار ارقىلى قۇتتىقتاۋ جولداعان بولاتىنبىز. ديماشقا دەگەن قىتايلىق جانكۇيەرلەردىڭ ىقىلاسى كۇن سايىن ارتىپ كەلەدى. مەن دە ۆەيبو جەلىسىندە قۇرىلعان جانكۇيەرلەر توبىنىڭ مۇشەسىمىن. سونداعى فاناتتاردىڭ ۇسىنىسىمەن بيىل قازاقستاننىڭ ۇلكەن 3 قالاسىندا LED ەكراندارمەن كەلىسىپ، وسىنداي شارانى تاعى دا ۇيىمداستىرىپ جاتىرمىز. ديماشتى تۋعان كۇنىمەن شىن جۇرەكتەن قۇتتىقتايمىن!» ، - دەيدى قىتايداعى ديماشتىڭ جانكۇيەرلەرىمەن جەلى ارقىلى بايلانىس ورناتۋشى ەۇۋ- دىڭ ستۋدەنتى اقەدىل نۇربولات ۇلى.

 ەسكە سالا كەتەيىك، ديماش «Singer» بايقاۋىنداعى ەرەكشە تالانتىمەن كوزگە ءتۇسىپ، قىتايدا ۇلكەن تانىمالدىلىققا يە بولدى. سونداي- اق، قازاقستاندىق اتاقتى ءانشى ءوزىنىڭ تۋعان كۇنى قارساڭىندا العاشقى بەينەبايانىن جارىققا شىعاردى.

 

اۆتور:   ريزابەك نۇسىپبەك ۇلى