بۇگىن قازاقستاننىڭ باسىم بولىگىندە جەل كۇشەيىپ، جاۋىن جاۋادى

استانا. قازاقپارات - قازاقستاننىڭ باسىم بولىگىندە بەيسەنبى كۇنى اتموسفەرالىق فرونتالدى اعىنداردىڭ وتۋىنە بايلانىستى جاۋىن جاۋىپ، نايزاعاي ويناپ، جەل كۇشەيىپ، شاڭدى داۋىل تۇرادى، دەپ حابارلايدى «قازگيدرومەت».

اقمولا، قوستاناي، پاۆلودار، شىعىس قازاقستان، سولتۇستىك قازاقستان، كۇندىز قاراعاندى، باتىس قازاقستان، اقتوبە، اتىراۋ، جامبىل وبلىستارىنىڭ ءبىرقاتار ايماقتارىندا جەلدىڭ كۇشى سەكۋندىنا 15-20 مەترگە جەتەدى. سولتۇستىك قازاقستان وبلىسىنىڭ كەي جەرلەرىندە تۇندە جانە كۇندىز تۇمان تۇسەدى.

وڭتۇستىك قازاقستان وبلىسىنىڭ ءبىرقاتار ايماقتارىندا شاڭدى داۋىل كوتەرىلىپ، جەل سەكۋندىنا 15-20 مەتر جىلدامدىقپەن ۇيتقيدى.

قىزىلوردا وبلىسىندا شاڭدى داۋىل كوتەرىلىپ، كۇندىز كەيبىر اۋدانداردا جەلدىڭ كۇشى سەكۋندىنا 15-20 مەترگە جەتەدى.

كۇندىز اتىراۋ وبلىسىندا كۇن قاتتى ىسيدى.