ديماشتىڭ اعىلشىن تىلىندە ورىنداعان ءانىنىڭ بەينەبايانى شىقتى

استانا. قازاقپارات - 24 -مامىردا 24 جاسقا تولاتىن قازاق ءانشىسى ديماش قۇدايبەرگەن ءوزىنىڭ تۋعان كۇنى قارساڭىندا جاڭا كليپىن جارىققا شىعاردى، دەپ حابارلايدى قازاقپارات ءتىلشىسى.

ايتا كەتسەك، «Screaming» ءانىنىڭ شىعاتىنى تۋرالى جاقىندا ينستاگرام پاراقشاسىندا ديماشتىڭ ءوزى جازعان بولاتىن.

«ەكى كۇننەن كەيىن اعىلشىن تىلىندەگى انگە تۇسىرىلگەن بەينەبايانىم كورەرمەنگە جول تارتپاق. ءاننىڭ كومپوزيتورى Muhgal وسى كۇنگە دەيىن Rihanna, Usher، Cherul Fermandes - Versini, Shakira, Ne-Yo, Avisi سىندى انشىلەرگە اندەر جازعان. سونىمەن، جاقىندا عانا جارىق كورگەن «Screaming» دەگەن ءانىمنىڭ بەينەبايانى كوڭىلدەرىڭىزدەن شىعادى دەگەن ۇمىتتەمىن»، - دەپ جازعان ەدى ديماش.

ۋادە ەتكەنىندەي، ديماشتىڭ ءانى بۇگىن يۋتۋب جەلىسىندە جاريالاندى. كليپتىڭ اسا جوعارى ساپادا تۇسىرىلگەنىن كورۋگە بولادى.