قانات ورازقۇلوۆ ق ر مەملەكەتتىك كۇزەت قىزمەتىنىڭ باستىعى قىزمەتىنە تاعايىندالدى

None
None
استانا. قازاقپارات - ەلباسى جارلىعىمەن قانات ورازقۇلوۆ قازاقستان رەسپۋبليكاسى مەملەكەتتىك كۇزەت قىزمەتىنىڭ باستىعى قىزمەتىنە تاعايىندالدى، دەپ حابارلايدى اقوردانىڭ باسپا ءسوز قىزمەتى.

سونداي- اق، مەملەكەت باسشىسىنىڭ جارلىعىمەن امانتاي جانكە ۇلى كۇرەڭبەكوۆ زەينەتكەرلىك جاسقا تولۋىنا بايلانىستى قازاقستان رەسپۋبليكاسى مەملەكەتتىك كۇزەت قىزمەتىنىڭ باستىعى قىزمەتىنەن بوساتىلدى.

مەملەكەت باسشىسىنىڭ وكىمىمەن قانات ورىنتاي ۇلى ورازقۇلوۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى قىزمەتىنەن بوساتىلدى.

 قانات ورىنتاي ۇلى ورازقۇلوۆ 1970 -جىلى 27 - قاراشادا جامبىل وبلىسى مويىنقۇم اۋدانى فۋرمانوۆكا اۋىلىندا تۋىلعان. 1993 -جىلى قازاق اۋىل شارۋاشىلىق ينستيتۋتىن «ورمان شارۋاشىلىعى» ماماندىعى بويىنشا بىتىرگەن. 2002 -جىلى ءال- فارابي اتىنداعى قازاق ۇلتتىق ۋنيۆەرسيتەتىن «قۇقىق تانۋ» ماماندىعى بويىنشا بىتىرگەن.

ەڭبەك جولىن 1993 -جىلى الماتى وبلىسى ەڭبەكشىقازاق اۋدانىنىڭ تۇرگەن تەرى- ورمان شارۋاشىلىعى ەسىك ورمانشىلىعىندا مامان بولىپ باستاعان.

1994 -جىلعى مامىردا ق ر  ۇ ق ك ورگاندارىنا اسكەري قىزمەتكە قابىلدانعان. 1994 -جىلدان 1997 -جىلعا دەيىنگى كەزەڭدە ق ر ۇ ق ك الماتى قالاسى جانە الماتى وبلىسى بويىنشا باسقارماسىنىڭ بولىمشەلەرىندە قىزمەت وتكەرگەن.

1997 -جىلعى قازاننان قازاقستان رەسپۋبليكاسى پرەزيدەنتى كۇزەت قىزمەتىنىڭ كادر، ساپارلاردى جانە ق ر پرەزيدەنتتىڭ جەكە قاۋىپسىزدىگىن قامتاماسىز ەتۋ بولىمشەلەرىندە ءارتۇرلى وفيتسەرلىك جانە باسشى لاۋازىمداردا قىزمەت وتكەرۋدى جالعاستىرعان.

2009 -جىلى قازاقستان رەسپۋبليكاسى پرەزيدەنتىنىڭ وكىمىمەن قازاقستان رەسپۋبليكاسى پرەزيدەنتى كۇزەت قىزمەتى باستىعىنىڭ ورىنباسارى بولىپ تاعايىندالعان.

 2014 -جىلعى ساۋىردە قازاقستان رەسپۋبليكاسى پرەزيدەنتىنىڭ وكىمىمەن قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى بولىپ تاعايىندالدى.

«ەلباسى قورعانى» توسبەلگىسىمەن، «جاۋىنگەرلىك ەرلىگى ءۇشىن» مەدالىمەن، ق ر پرەزيدەنتىنەن جانە ق ر پرەزيدەنتى اكىمشىلىگىنىڭ باسشىسىنان العىستارمەن، ون ەكى مەدالمەن، ق ر ۇ ق ك قۇرمەت گراموتاسىمەن، ق ر پ ك ق العىستارىمەن جانە گراموتاسىمەن ماراپاتتالعان.

سوڭعى جاڭالىقتار