ترامپ كيم چەن ىنمەن كەزدەسەتىنىنە كۇماندانادى

None
None
استانا. قازاقپارات-  22-  مامىردا ا ق ش پرەزيدەنتى دونالد ترامپ ماۋسىمنىڭ 12-نە بەلگىلەنگەن سولتۇستىك كورەيا باسشىسى كيم چەن ىنمەن كەزدەسۋدىڭ بولاتىنىنا كۇمان كەلتىردى. بۇل كەزدەسۋ سينگاپۋردا ءوتۋى ءتيىس ەدى.

- كەزدەسۋدىڭ بولمايتىنىنا كادىمگىدەي كۇمان بار. ول ۋاقىت وتە كەلە بولمايدى دەگەندى بىلدىرمەيدى، ءبىراق 12 - ماۋسىمدا بولماي قالۋى مۇمكىن، - دەدى ترامپ وڭتۇستىك كورەيا پرەزيدەنتى مۋن چجە ينمەن كەزدەسۋ بارىسىندا.

ترامپتىڭ بۇل سوزىنەن كەيىن باقىلاۋشىلار ا ق ش پەن سولتۇستىك كورەيا اراسىنداعى تاريحي سامميتتىڭ ءوتۋى بەلگىسىز كۇيدە قالۋى مۇمكىن دەپ تۇجىرىمدايدى.

15 - مامىردا پحەنيان رەسمي مالىمدەمە جاريالاپ، 12- ماۋسىمعا جوسپارلانعان ا ق ش- سولتۇستىك كورەيا سامميتىنەن باس تارتۋى مۇمكىن ەكەنىن حابارلاعان ەدى. پحەنياننىڭ مالىمدەمە جاساۋىنا ا ق ش پەن وڭتۇستىك كورەيانىڭ بىرىككەن اسكەري جاتتىعۋى سەبەپ بولعان.

كەيىنىرەك سولتۇستىك كورەيا باسشىسىنىڭ يادرولىق قارۋسىزدانۋعا دايىن ەكەنى تۋرالى مالىمدەمەسىن اق ءۇيدىڭ دۇرىس تۇسىنبەي قالۋى مۇمكىن ەكەنى تۋرالى اقپارات شىقتى. ءبىراق سونىمەن بىرگە يادرولىق قارۋدان باس تارتۋعا كەلىسۋ بۇل دونالد ترامپتىڭ كەزدەسۋ الدىندا قويعان شارتى بولعان.

كەيىنىرەك ا ق ش مەملەكەتتىك حاتشىسى مايك پومپەو سامميتكە دايىندىق جالعاسىپ جاتقانىن ايتىپ، ءبىراق كەزدەسۋدىڭ سوڭعى ساتتە بولماي قالۋى مۇمكىن ەكەنىن مالىمدەگەن. دونالد ترامپ پحەنيان ۇستانىمىنىڭ قاتايۋىنا قىتاي جاۋاپتى بولۋى مۇمكىن، سەبەبى سولتۇستىك كورەيا مالىمدەمەسىنىڭ سارىنى مامىر ايىنىڭ باسىندا قىتاي پرەزيدەنتى شي جينپيڭمەن كەزدەسكەننەن كەيىن كۇرت وزگەردى دەپ بولجام جاسايدى.

www.azattyq.org

سوڭعى جاڭالىقتار