رەسەيلىكتەر عارىشتان قازاقستانعا قۇتتىقتاۋ جولدادى
«بۇگىندە قازاقستاندا بايلانىس پەن حابار تاراتۋدىڭ زاماناۋي عارىش جۇيەلەرى بار. جەردى قاشىقتان زوندتاۋ، جەر سەرىكتەرى جانە تاعى باسقا عارىش تەحنيكاسى جاسالادى. حالىقارالىق عارىش ستانساسىندا جۇمىس ىستەگەن ارىپتەستەرىمىزدىڭ ىشىندە ءۇش قازاقستان ازاماتى - توقتار اۋباكىروۆ، تالعات مۇسابايەۆ پەن ايدىن ايىمبەتوۆ بولدى. سوعان شىن جۇرەكتەن قۋانىشتىمىز. بىزدەر، عارىشكەرلەر ءۇشىن قازاقستانىڭ ورنى بولەك. سەبەبى ءدال وسى جەردەن 1957 -جىلى العاش رەت جاساندى جەر سەرىگى ۇشىرىلدى. ال 1961 -جىلى يۋري گاگارين تۇڭعىش رەت ساپارعا اتتاندى. قازىردىڭ وزىندە بايقوڭىر عارىشتىڭ باستى قاقپاسى بولىپ سانالادى. ءبىز، رەسەيلىكتەر مەن قازاقستاندىقتار - كورشى، دوس ءارى ارىپتەسپىز. عارىش ءبىزدى ودان سايىن جاقىنداتتى»، - دەدى 55- ەكيپاجدىڭ كومانديرى انتون شكاپەروۆ.
ەكيپاجدىڭ بورت ينجەنەرى ولەگ ارتەميەۆ تە ءوز قۇتتىقتاۋىن جەتكىزدى. ونىڭ ايتۋىنشا، قازاقستان پرەزيدەنتى نۇرسۇلتان نازاربايەۆتىڭ ەرەن ەڭبەگى ارقاسىندا ءارى رەسەيمەن اراداعى تىعىز قارىم- قاتىناستىڭ ناتيجەسىندە بايقوڭىردىڭ مارتەبەسى وسە ءتۇستى. بۇگىندە ول جەردە ەكى ەلدىڭ ماماندارى عانا ەمەس، شەتەلدىڭ ازاماتتارى دا جۇمىس ىستەپ كەلەدى. وسىلايشا، «بايقوڭىر» عارىش ايلاعى حالىقارالىق دارەجەگە كوتەرىلىپ وتىر. «ءبىز، حالىقارالىق عارىش ستانساسىنىڭ 55- ەكيپاجى قازاقستاننىڭ قورعانىس جانە اەروعارىش ونەركاسىبى مينيسترىلىگىنىڭ اەروعارىش كوميتەتىن، وسى سالاداعى كاسىپورىندار مەن ۇيىمداردى قازعارىشتىڭ 25 -جىلدىعىمەن شىن جۇرەكتەن قۇتتىقتايمىز. 1993 -جىلى قازاقستاننىڭ مينيسترلەر كابينەتى جانىنان ۇلتتىق ا ە ر و عارىش اگەنتتىگى قۇرىلعان بولاتىن. 25 -جىلدىڭ ىشىندە قازعارىش ءبىراز جەتىستىكتەرگە جەتىپ، قازاقستاننىڭ عارىش سالاسىن قالىپتاستىرا ءبىلدى»، - دەپ اتاپ كورسەتتى و. ارتەميەۆ.
ايتا كەتەيىك، بۇگىن استانادا V حالىقارالىق «KADEX-2018» قارۋ- جاراق پەن اسكەري تەحنيكا كورمەسى اشىلدى. اتالعان شارانىڭ اشىلۋ سالتاناتىنا ق ر پرەزيدەنتى نۇرسۇلتان نازاربايەۆ قاتىستى.
مەملەكەت باسشىسى كورمەنىڭ نەگىزگى ەرەكشەلىگىن اتادى. كورمە 26 - مامىرعا دەيىن جالعاسادى. وعان رەسەي، بەلارۋس، قىرعىزستان، ارمەنيا، تۇركيا، يوردانيا، ازەربايجان، يزرايل، يتاليا سىندى 40 تان استام ەلدەردىڭ وكىلدەرى قاتىسادى. سونداي- اق، بەلارۋس، بەلگيا، بولگاريا، برازيليا، گەرمانيا، يزرايل، ءۇندىستان، يسپانيا، يتاليا، ق ح ر، نيدەرلاندى، ر ف، ا ق ش، سەربيا سياقتى الەمنىڭ 28 ەلىنىڭ 318 كاسىپورىنى ءوز ونىمدەرىن ۇسىنادى.