ا ق ش پەن قىتاي ساۋدا سوعىسىنان باس تارتتى

 استانا. قازاقپارات - ۆاشينگتوندا ا ق ش پەن قىتاي دەلەگاتتارىنىڭ قاتىسۋىمەن ەكى مەملەكەتتىڭ ساۋدا اينالىمىن جاقسارتۋ جونىندە كەلىسسوز ءوتتى.

 وندا ساۋدا بايلانىسىن وڭتايلاندىرۋ مەن قىتايعا امەريكالىق تاۋارلاردىڭ ەكسپورت كولەمىن ارتتىرۋ ماسەلەلەرى تالقىلاندى. ۆاشينگتون مەن پەكين «ەكىجاقتى ءادىل ءارى تەڭ قۇقىلى، باسەكە ايماعىن قۇرۋ» تۋرالى كەلىسسوزگە قول قويدى. كەلىسسوز قورىتىندىسى بويىنشا ەكى ەل اراسىنداعى تاۋارلار مەن قىزمەتتەرگە قويىلاتىن تاريفتەردى دوعارۋ جانە ورتاق كەلىسىمگە كەلۋ ارقىلى ساۋدا سوعىسىن باستاماۋعا ۋادە بەردى.

 ەڭ ءىرى ەكونوميكالىق سەرىكتەس سانالاتىن رەسەي مەن ا ق ش اراسىنداعى ماسەلە قازاقستاننىڭ ەكونوميكالىق نارىعى مەن قور بيرجاسىنا دا كەرى اسەر ەتپەي قويمايدى. ال قىتاي -  شىعىستاعى كورشىمىز. قازاقستان ءۇشىن دە بۇل كەلىسىمنىڭ پايداسى كوپ بولماق. قىتاي مەن قازاقستاننىڭ تاۋار اينالىمى 2017 -جىلى 10,47 ميلليارد دوللاردى قۇرادى. وعان قوسا، قىتاي مەن قازاقستاندى بايلانىستىراتىن تاعى ءبىر جول- ۇلى جىبەك جولى. بۇگىندە ول شىعىس پەن باتىستى بايلانىستىراتىن ءىرى ترانزيتتىك باعىت بولىپ ەسەپتەلەدى. ال ا ق ش- قا قازاقستان عانا ەمەس دۇنيەجۇزى تاۋەلدى. الپاۋىت ەلدىڭ ەكونوميكاسىنداعى وزگەرىستەر بۇكىل الەمدىك نارىققا اسەرىن تيگىزەدى. سول سەبەپتى ا ق ش پەن قىتاي اراسىنداعى ساۋدا سوعىسى شيەلەنىسپەي، وڭ شەشىم تاپقانى الەمدىك ەكونوميكاعا جاعىمدى اسەر ەتەتىنى ءسوزسىز.

 

بالجان حالىق

«ايقىن»