بايقوڭىردان اي سايىن ءبىر جەر سەرىگىن ۇشىرا الامىز - اسقار مامين

استانا. قازاقپارات - ق ر پرەمەر- ءمينيسترىنىڭ ءبىرىنشى ورىنباسارى اسقار مامين «بايقوڭىر» عارىش ايلاعىنىڭ بولاشاعى تۋرالى ايتىپ بەردى ، دەپ حابارلايدى قازاقپارات ءتىلشىسى.

«قازاقستان ەگەمەن ەل بولعالى بەرى «بايقوڭىر» عارىش ايلاعىنان مىڭداعان زىمىران ۇشىرىلدى. بۇگىندە روس كوسموسپەن بىرلەسە وتىرىپ، عىلىمي- زەرتتەۋ جۇمىستارىن جۇرگىزىپ كەلەمىز. الداعى ۋاقىتتا «بايتەرەك» زىمىران كەشەنىن ىسكە قوسۋدى جوسپارلاپ وتىرمىز. سونىڭ ارقاسىندا اي سايىن ءبىر جەر سەرىگىن عارىشقا ۇشىرا الامىز. ءبىز «بايقوڭىردى» جاڭارتۋ مەن كەڭەيتۋ شارالارىنا قارجى سالۋدى جالعاستىرا بەرەمىز»، - دەدى ا. مامين قازعارىشتىڭ 25 جىلدىعىنا ارنالعان فورۋمدا.

ۆيتسە- پرەمەردىڭ ايتۋىنشا، «KazSat»  سپۋتنيكتىك جۇيەسى ىشكى سۇرانىستى تولىعىمەن قامتاماسىز ەتىپ وتىر. اتالعان جۇيەنى مەملەكەتتىك ورگانداردا، جەكە سەكتوردا پايدالانىپ كەلەدى. 

 «ماسەلەن، جەردى قاشىقتان زونتداۋ جۇيەسىنىڭ مالىمەتتەرىن اۋىل شارۋاشىلىعى مينيسترلىگى، قورعانىس مينيسترلىگى، ىشكى ىستەر مينيسترلىگى قولدانىپ وتىرادى. ءبىز قازىرگى الەۋەتىمىزدى ودان ارى دامىتاتىن بولامىز. سەبەبى عارىش تەحنولوگيالارى ەكونوميكالىق دامۋعا ايتارلىقتاي ۇلەس قوسىپ وتىر»، - دەپ اتاپ كورسەتتى ا. مامين.

ايتا كەتەيىك، اعىمداعى جىلى قازاقستاننىڭ جاڭا ەكى جەر سەرىگى عارىشقا ۇشىرىلادى. «جىلدىڭ سوڭىندا ءبىر تاعى ەكى جاڭا جەر سەرىگىن عارىشقا ۇشىرايىن دەپ وتىرمىز. اتالعان اپپاراتتاردى قازاقستان مەن ۇلى بريتانيا ماماندارى قۇراستىردى. بۇگىندە اتالعان جوبا 98 پروتسەنتكە دايىن. سونىڭ ارقاسىندا قازاقستاندىق مامانداردىڭ بەس بىردەي جاڭالىعى سىناقتان وتەدى. ول مامانداردىڭ بارلىعى ەۋروپا مەن رەسەيدە تاجىريبە جيناقتاپ قايتقان»، - دەپ اتاپ كورسەتتى م. نۇرعوجين.

اۆتور: ارمان اسقاروۆ