قازاقستان ەكى جەر سەرىگىن عارىشقا ۇشىرادى

None
None
 استانا. قازاقپارات - ق ر قورعانىس جانە اەروعارىش ونەركاسىبى ۆيتسە- ءمينيسترى ماراتنۇرعوجين قازاقستاننىڭ عارىش سالاسىنداعى جوسپارلارى تۋرالى ايتىپ بەردى، دەپ حابارلايدى قازاقپارات ءتىلشىسى.

«جىلدىڭ سوڭىندا ءبىر تاعى ەكى جاڭا جەر سەرىگىن عارىشقا ۇشىرايىن دەپ وتىرمىز. اتالعان اپپاراتتاردى قازاقستان مەن ۇلىربريتانيا ماماندارى قۇراستىردى. بۇگىندە اتالعان جوبا 98 پروتسەنتكە دايىن. سونىڭ ارقاسىندا قازاقستاندىق مامانداردىڭ بەس بىردەي جاڭالىعى سىناقتان وتەدى. ول مامانداردىڭ بارلىعى ەۋروپا مەن رەسەيدەن تاجىريبە جيناقتاپ قايتقان»، - دەدى م. نۇرعوجين قازعارىشتىڭ 25 جىلدىعىنا ارنالعان فورۋمدا.

اتالعان شارا V حالىقارالىق «KADEX-2018» قارۋ- جاراق پەن اسكەري تەحنيكا كورمەسى اياسىندا ءوتتى.

ۆيتسە- ءمينيستردىڭ ايتۋىنشا، بەس جاڭالىقتىڭ ىشىندە جەر سەرىگىنىڭ قىزمەتتىك پلاتفورماسى بار. ول جەردى قاشىقتان زونداۋ سەرىكتەرىن ءوز جەرىمىزدە جاساۋعا مۇمكىندىك بەرەدى. بۇدان بولەك، عارىش جۇيەسىنىڭ سەگمەنتى، جەر سەرىگىنىڭ بورتكومپيۋتەرى، وپتيكالىق جۇيە جانە كۇن داتچيگى بار. بۇنىڭ بارلىعى بيىل العاش رەت عارىشتا سىناقتان وتەدى.

 «ارينە، ماڭىزدى جوبالاردىڭ ءبىرى - عارىش اپپاراتتارىن قۇراستىرۋ جانە سىناقتان وتكىزۋ كەشەنى. اعىمداعى جىلى شىلدەنىڭ 1 ىنە دەيىن ءبىز تەحنولوگيالىق قۇرال- جابدىقتاردى ورناتۋدى اياقتايمىز. ەكىنشى جارتىجىلدىقتا سىناق جۇمىستارىن باستايمىز. ال جەلتوقساننىڭ سوڭىندا اتالعان كەشەندى پايدالانۋعا بەرۋدى كوزدەيمىز. سول كەزدە ءبىز عارىش اپپاراتتارىن ءوزىمىز قۇراستىرىپ، وزگە ەلدەردىڭ تاپسىرىستارىندا قابىلدايتىن بولامىز. بۇل جوبا «Airbus Defence and Space» كومپانياسىمەن بىرلەسىپ اتقارىلىپ جاتىر. ولار شامامەن 29 ميلليون ەۋرو كولەمىندە قارجى قۇيدى»، - دەپ اتاپ كورسەتتى م. نۇرعوجين.

سوڭعى جاڭالىقتار