عالىمدار مايكل دجەكسوننىڭ «ەشكىم جاساي المايتىن» ءبي قيمىلدارىنىڭ قۇپياسىن اشتى

None
None
 استانا.قازاقپارات - ماماندار مايكل دجەكسوننىڭ «انتيگراۆيتاتسيالىق قيمىلىن» زەرتتەي كەلە ونى ورىنداۋ ءۇشىن ارنايى اياق كيىمنىڭ جەتكىلىكسىز ەكەنىن انىقتادى.

 وسىنى بىلمەگەندىكتەن كوپتەگەن زاماناۋي بيشىلەر ساحنادا جاراقات الىپ ءجۇر، دەپ حابارلايدى Baq.kz اقپارات اگەنتتىگى.

ءۇندىستاندىق نەيروحيرۋرگتەر مايكل دجەكسوننىڭ ايگىلى «انتيگراۆيتاتسيالىق قيمىلىن» زەرتتەي كەلە ونى ورىنداۋ ءۇشىن ارنايى اياق كيىمنەن بولەك احيلل ءسىڭىرىنىڭ ايتارلىقتاي سوزىلىڭقى بولۋى ماڭىزدى ەكەنىن انىقتادى. دارىگەرلەردىڭ ايتۋىنشا، قازىرگى تاڭدا كوپتەگەن ءبيشى وسىنى بىلمەگەندىكتەن، اۋىر جاراقاتتار الىپ ءجۇر. زەرتتەۋ ناتيجەسى Journal of Neurosurgery: Spine جۋرنالىندا جاريالاندى.

ءانشى ءوزىنىڭ ايگىلى ءبي قيمىلىن ورىنداۋ ءۇشىن دەنەسىن تىك ۇستاپ، 45° گرادۋسقا يىلەدى. عالىمدار ءبيشى ەمەس ادامنىڭ 20°گرادۋسقا يىلە الاتىنىن ايتادى. ءتىپتى، كاسىبي بيشىلەردىڭ ءوزى بويىن تىك ۇستاپ، 25-30°گرادۋسقا عانا يىلە الادى. ادەتتە ادام ءدال وسىلاي يىلگەن كەزدە ونىڭ ومىرتقاسىن تىك ۇستايتىن بۇلشىق ەت جۇمىس ىستەيدى. «انتيگراۆيتاتسيالىق» قيمىل بار اۋىرتپالىقتى بالتىرعا جانە احيلل سىڭىرىنە تۇسىرەدى. دارىگەرلەردىڭ ايتۋىنشا، ادامنىڭ بۇل دەنە بولىكتەرى مۇنداي قيمىلدى ورىنداۋعا دايىن ەمەس. وسىنىڭ سالدارىنان كوپتەگەن ءبيشى قازىرگى تاڭدا وسى قيمىلدى ورىندايمىن دەپ جاراقات الىپ ءجۇر.



زەرتتەۋ جۇمىسىنىڭ اۆتورلارى مايكل دجەكسوننىڭ ءوزىنىڭ مۇنداي قيمىلدى ارنايى كومەكشى قۇرالداردىڭ كومەگىنسىز جاساي الماعانىن ايتادى. ءانشى Smooth Criminal انىنە تۇسىرىلگەن بەينەكليپتە «انتيگراۆيتاتسيالىق قيمىلدى» العاش رەت ورىنداۋ ءۇشىن دەنەسىن تىك ۇستاپ تۇرۋعا كومەكتەسەتىن ارنايى بەلدىك پەن سىمداردى پايدالانعان.

كەيىن ءانشى بۇل قيمىلدى كونسەرتىندە ورىنداۋ ءۇشىن ارنايى باتىڭكە جاساتادى. وسى باتىڭكەلەردىڭ تابانىندا ساحناعا الدىن الا قاعىلعان شەگەگە ىلىنەتىن ويىق بار. دجەكسون مەن كوستيۋمەرلەر بۇل اياق كيىم ءتۇرىن 1992 -جىلى پاتەنتتەگەن.

نەيروحيرۋرگ ماماندار مايكل دجەكسوننىڭ وسى ءبي قيمىلىنىڭ كوپتەگەن جاس ماماندارعا شابىت سىيلاعانىن ايتادى. وسى تريۋكتەردى زەرتتەۋ ارقىلى دارىگەرلەر بيشىلەرگە دەر كەزىندە كومەك كورسەتە الادى.

Baq.kz

سوڭعى جاڭالىقتار