قازاقستاندىقتار جەكە مالىمەتتەرىنە قولجەتىمدىلىكتى بۇعاتتاي الادى
«جەكە مالىمەتتەردىڭ قاۋىپسىزدىگىن قامتاماسىز ەتۋ ءۇشىن ءبىز ازاماتتار ءوزى تۋرالى جەكە اقپاراتتى تولىقتاي باقىلاي الاتىن جوبا جاسادىق. باسقاشا ايتقاندا، ءتىپتى ح ق و قىزمەتكەرى دە جەكە مالىمەتتەردى كورە المايدى، وپەراتورلار قانداي ءبىر جەكە مالىمەتتەرگە قول جەتكىزۋ ءۇشىن ازاماتتاردىڭ كەلتە حات رۇقساتىن الۋى ءتيىس» ، - دەپ ءتۇسىندىردى «ازاماتتارعا ارنالعان ۇكىمەت» مەملەكەتتىك كورپوراتسيا باسشىسى ابىلايحان وسپانوۆ.
سپيكەردىڭ ايتۋىنشا، بۇل - ازاماتتارعا ارنالعان ۇكىمەت پەن «ۇلتتىق اقپاراتتىق تەحنولوگيالار» اق بىرلەسكەن جوباسى جانە ول ەكى كەزەڭ بويىنشا جۇزەگە اسىرىلادى.
بىرىنشى كەزەڭدە اپتا سوڭىنا دەيىن ەلەكتروندىق ۇكىمەت پورتالىنداعى جەكە كابينەتىندە مالىمەتتەرگە قولجەتىمدىلىككە تىيىم سالۋ فۋنكتسياسى قوسىلادى. وسى فۋنكتسيا ارقىلى پورتالدىڭ ءاربىر قولدانۋشىسى جەكە مالىمەتتەرىنە قولجەتىمدىلىكتى قوسا الادى نەمەسە جاۋىپ تاستاي الادى.
ايتا كەتەرلىگى، تىيىم سالۋ فۋنكيتسياسىن تەك جەكە كابينەت ارقىلى عانا جاساۋعا بولادى.
ەكىنشى كەزەڭ - جەكە مالىمەتتەرگە قولجەتىمدىلىكتى تىيۋ فۋنكتسياسىن ءوشىرۋ ءۇشىن قىسقا حابارلاما قىزمەتىن ىسكە قوسۋ كەرەك. ياعني ەگەر قولجەتىمدىلىك بۇعاتتالعان بولسا، ازاماتتىڭ ج س ن- نىڭ جۇيەگە ەنگىزگەندە ح قو وپەراتورى قولجەتىمدىلىكتى اشۋ تۋرالى قىسقا- حابارلاما الادى. قىزمەت الۋشىنىڭ رۇقساتىن العان جاعدايدا عانا فرونت- وفيس جۇمىسكەرى قانداي دا ءبىر مەملەكەتتىك قىزمەتتى كورسەتە الادى.
سونداي- اق، وسپانوۆ بۇل قىزمەتتى قولدانۋ ءۇشىن قىزمەت الۋشى ءموبيلدى ازاماتتار بازاسىنا تىركەلۋى قاجەتتىگىن باسا ايتتى. مۇنى ەلەكتروندىق ۇكىمەت پورتالىنداعى جەكە كابينەتتە نەمەسە كەز كەلگەن ح ق و- دا جاساۋعا بولادى.