قايرات ءابدىراحمانوۆ قازاقستاننىڭ سيريا كەلىسسوزدەرىندەگى ءرولى تۋرالى ايتتى
مينيستر استانا پروتسەسىنىڭ بىرىگەيلىگى رەتىندە كەلىسسوزدەرگە رەسەي، يران، تۇركيا سياقتى مۇددەلى ەلدەردىڭ قاتىسىپ جاتقانىن اتاپ ءوتتى.
«نۇرسۇلتان نازاربايەۆتىڭ توراعالىعىمەن استانا پروتسەسى مۇددەلى تاراپتارمەن قاتار سيريالىق وپپوزيتسيانى دا قابىلداپ، ولاردىڭ اراسىندا كەلىسىم جۇرگىزۋگە تىرىسىپ جاتىر. بۇل تاراپتاردىڭ كوزقاراستارى ءبىر-بىرىنە قاراما-قايشى. استانا پروتسەسى كەزىندە وپپوزيتسيالىق تاراپ زالدان شىعىپ كەتكەنىن دە ايتۋعا بولادى. كەيىن ولار نۇرسۇلتان نازاربايەۆتى قۇرمەتتەگەندىكتەن جانە قازاقستاننىڭ وسى پروتسەستەگى اشىق ءارى ايقىن بەيتاراپتىعى ءۇشىن عانا زالعا كىرەتىندىگىن ءمالىم ەتتى»، - دەدى ق. ءابدىراحمانوۆ.
استانادا جاسالعان كەلىسىم سيريا داعدارىسىن شەشۋگە، شيەلەنىس جالىنىن ازايتۋعا باعىتتالعان.
ونىڭ ايتۋىنشا، بۇل قازاقستاننىڭ ەۋروپا مەن ازيا اراسىنداعى التىن كوپىر ەكەندىگىن دالەلدەسە كەرەك.
«ءبىز الەمدە قازىر قانداي جاعدايدى كورىپ وتىرمىز؟ ەلدەردىڭ اراسىنداعى ساياسي، اسكەري، ەكونوميكالىق باسەكە بەلەڭ الىپ بارادى. ءبىزدى حالىقارالىق ديپلوماتيالىق مادەنيەتتىڭ توقىراپ بارا جاتقاندىعى الاڭداتادى. سوعان قاراماستان قازاقستان دوستىق پەن بىرلىكتىڭ، ىنتىماقتاستىقتىڭ ۇلگىسىن كورسەتىپ وتىر»، - دەدى قايرات ءابدراحمانوۆ.
ايتا كەتۋ كەرەك، الماتىدا ورتالىق ازياداعى تاۋەلسىز ديالوگ الاڭى اتالعان ەۋرازيا مەديا فورۋمىنا 60 تان استام ەلدەن 500 دەلەگات قاتىسۋدا. القالى جيىندا ساراپشىلار مەن ساياساتكەرلەر، ەكونوميستەر مەن قوعامدىق پىكىر يەلەرى قازاقستاننىڭ، ەۋرازيانىڭ، جالپى الەمدىك قاۋىمداستىقتىڭ ەكونوميكالىق، گەوساياسي، مادەني- الەۋمەتتىك ماسەلەلەرىن تالقىلايدى. فورۋمنىڭ العاشقى كۇنى شەبەرلىك دارىستەرىنەن باستالدى.
ە ا م ف جۇمىسىنا 1500 دەن استام بەدەلدى ب ا ق - Euronews، CNN BBC، Assosiated press, New York Times, Bloomberg يتار تاسس وكىلدەرى اتسالىستى.
شارانىڭ اشىلۋ سالتاناتىندا ق ر اقپارات جانە كومۋنيكاتسيالار ءمينيسترى داۋرەن ابايەۆ مەديافورۋمعا قاتىسۋشىلارعا ەلباسىنىڭ ۇندەۋحاتىن وقىپ بەردى.