قازاقستانداعى ەڭ باي بيزنەسمەندەردىڭ ءبىرى ەركىن ءامىرحانوۆ قاماۋعا الىندى

استانا. قازاقپارات - «سەنتركازەنەرگومونتاج» ا ق-تىڭ ساتىپ الۋ قىزمەتى جونىندەگى بۇرىنعى ءتوراعاسى ەركىن ءامىرحانوۆ قاماۋعا الىندى.

بۇل تۋرالى قازاقپارات ۇ ق ك باسپا ءسوز قىزمەتىنە سىلتەمە جاساپ حابارلايدى.

«ەركىن ءامىرحانوۆ ق ر قىلمىستىق كودەكسىنىڭ 253-بابىنىڭ 6-بولىگىندە قاراستىرىلعان قىلمىستىق قۇقىقبۇزۋشىلىق جاسادى دەگەن كۇدىككە ىلىنگەن.

ول 2018 -جىلعى 5 -مامىردا ۇستالعان، 6 -مامىردا استانا قالاسىنىڭ ەسىل اۋداندىق №2 -سوتى وعان قاتىستى ەكى اي مەرزىمگە «قاماۋدا ۇستاۋ» بۇلتارتپاۋ شاراسى قولدانۋ تۋرالى شەشىم شىعاردى.

سوتقا دەيىنگى تەرگەپ- تەكسەرۋلەر ءجۇرىپ جاتىر. ق ر قىلمىستىق-پروتسەستىك كودەكسىنىڭ 201-بابىنىڭ 1-بولىگىنە سايكەس، وسى ءىس بويىنشا وزگە مالىمەتتەر جاريا ەتىلمەي وتىر»، - دەلىنگەن حابارلامادا.