بالانىڭ قولىن قىسىپ قالعان ەكسكالاتور تولىق تەكسەرىلەدى - جەڭىس قاسىمبەك
بۇل تۋرالى تىلشىلەرگە ق ر ينۆەستيسيالار جانە دامۋ ءمينيسترى جەڭىس قاسىمبەك ءمالىم ەتتى، دەپ حابارلايدى قازاقپارات.
«ناقتى ەسكالاتور بويىنشا ءبىز تولىقتاي تەكسەرەمىز. بۇل وقيعا بويىنشا جاۋاپكەرشىلىك انىقتتالادى. ەسكالاتورلاردى جوندەۋ مەرزىمى تەحنيكانىڭ تيپىنە، تەحنيكانى پايدالانۋ مەرزىمىنە بايلانىستى بولادى. الدىن الا اقپاراتقا سۇيەنسەك، بۇل تەحنيكا ەسكى ەمەس. ونى پايدالانۋ ءتارتىبى باستاپقىدا بولعان قۇجاتناما اياسىندا ىسكە اسىرىلعان»، - دەدى جەڭىس قاسىمبەك
بۇدان بۇرىن حابارلانعانداي، استانانىڭ ورتالىق بازارىنداعى ەسكالاتوردا ەكى جاسار قىزدىڭ قولى قىسىلىپ قالدى.
وقيعا ورنىنا كەلگەن جەدەل جاردەم قىزمەتى ءتيىستى كومەكتى كورسەتىپ، ءسابيدى شۇعىل تۇردە №2 -قالالىق بالالار اۋرۋحاناسىنا الىپ كەتتى. اۋرۋحانانىڭ قابىلداۋ بولىمىندە بالانى ماماندار قاراپ شىقتى. ەكى قولىنداعى جاراقاتىنا باستاپقى- حيرۋرگيالىق وڭدەۋ جاسالدى، گيپسپەن تاڭىلدى.
بۇعان دەيىن ورتالىق بازارداعى وقىس جاعدايدىڭ ۆيدەوجازباسى الەۋمەتتىك جەلىگە تاراعان ەدى.