دانەليا تۋلەشوۆا قازاقشا جاڭا ءان شىرقادى
جاس ءانشى ساحناعا پەرىشتە كەيپىندە شىقتى. ال ونىڭ بەيبىت ومىرگە ۇندەگەن ءانى قارۋ- جاراق كورمەسىنە جينالعان جۇرتتىڭ جۇرەگىن ەلجىرەتتى.
«ەلىن باستاعان دانا ەلباسى،
بايراعىم بيىك كوكتە سامعاسىن،
ءار ەلدە بەيبىت ءومىر ورناسىن،
الەمدە سوعىس بولماسىن.
ءارقاشاندا امان بولسىن ءبىزدىڭ الەم،
جەرىم، دالام، اكەشىم، اناشىم جانە مەن،
ايالاپ-الديلەگەن امان بولسىن الەم!»، - دەپ شىرقادى دانەليا تۋلەشوۆا.
ۇيىمداستىرۋشىلاردىڭ ايتۋىنشا، دانەليانىڭ بۇگىنگى ءانى ارنايى KADEX-2018 كورمەسىنىڭ اشىلۋىنا ارناپ جازىلدى.
ايتا كەتەيىك، بۇگىن استاناداعى حالىقارالىق اۋەجايدىڭ اسكەري سەكتورى اۋماعىندا V حالىقارالىق «KADEX-2018» قارۋ- جاراق جانە اسكەري- تەحنيكالىق مۇلىك كورمەسى اشىلدى. كورمەنىڭ اشىلۋ راسىمىنە ەلباسى نۇرسۇلتان نازاربايەۆ قاتىستى. بۇل كورمە 2010 -جىلدان بەرى وتكىزىلىپ كەلەدى جانە وسى ۋاقىت ارالىعىندا قورعانىس ونەركاسىبى ونىمدەرىن وندىرۋشىلەر مەن تۇتىنۋشىلار اراسىندا ءوزارا وڭتايلى بايلانىستى ورناتۋ مەن دامىتۋعا قولايلى جاعداي جاساۋعا، قورعانىس كۇشتەرىن تەحنولوگيالىق تۇرعىدا جاڭعىرتۋ ماسەلەلەرى جونىندە تاجىريبە الماسۋ ءۇشىن ءتيىمدى الاڭعا اينالدى. بيىل كورمەدە 10 پاۆيلون جۇمىس ىستەيدى، ولاردىڭ ىشىنەن: تۇركيا، قىتاي جانە رەسەيدىڭ 3 جەكە پاۆيلونى، قازاقستاندىق «قازاقستان ينجينيرينگ» ۇ ك» اق، «قازاقستان پاراماۋنت ينجينيرينگ» ج ش س، «قازتەحنولوگيا» ا ق كاسىپورىندارىنىڭ پاۆيلوندارى، ودان بولەك كوسموناۆتيكا سالاسىنىڭ جەتەكشى ۇلگىلەرى ۇسىنىلاتىن عارىش قىزمەتىنە ارنالعان پاۆيلون العاش رەت قويىلىپ وتىر.
بۇدان بولەك، بەلارۋس، بەلگيا، بولگاريا، برازيليا، گەرمانيا، يزرايل، ءۇندىستان، يسپانيا، يتاليا، نيدەرلاندى، ا ق ش، سەربيا سياقتى الەمنىڭ 28 ەلىنىڭ 318 كاسىپورنى ءوز ونىمدەرىن ۇسىنادى.
كورمە اياسىندا «قازاقستانداعى عارىش كۇندەرى» حالىقارالىق فورۋمى، «Cyber and Digital Security» جانە «Advanced Def Tech» كونفەرەنسيالارى وتەدى.
اتالعان شارالار بارىسىندا الەمنىڭ ءتۇرلى ەلدەرىنەن كەلگەن ماماندار مەن ساراپشىلار قورعانىس ونەركاسىبى، اسكەري- تەحنيكالىق ىنتىماقتاستىق، عارىش قىزمەتى مەن اقپاراتتىق قاۋىپسىزدىكتىڭ ماڭىزدى ماسەلەلەرى توڭىرەگىندە پىكىر الماسىپ، زاماناۋي كەزەڭدەگى كيبەرقورعانىس جونىندەگى ساۋالداردى تالقىلايدى.
«KADEX-2018» كورمەسى 26 -مامىرعا دەيىن جالعاسادى.