نەكەنى قالاي ساقتاۋعا بولادى: ايەلدەرگە كەڭەس

استانا. قازاقپارات - كوبىنە ايەلدەر قاۋىمى نەكەنى ساقتاۋعا تىرىسادى. فەمينيزم جاقتاۋشىلارى نە ايتسا دا، ەر ادامدارعا قاراعاندا ايەلدەردىڭ نەگىزگە قۇندىلىعى وتباسىعا نەگىزدەلگەن.

ايەلدەر ءۇشىن ەڭ باستىسى -  بۇل قارىم-قاتىناس. سوندىقتان، ادال جارلار، شاڭىراعىن قيسايتپاي نىق ۇستاپ وتىرۋعا تالپىناتىندارىڭىز ءۇشىن سىزدەردى ماقتان تۇتامىن.

نەكەنى ساقتاۋدىڭ ەڭ ءبىرىنشى دە ماڭىزدى ەرەجەسى -  ءوز جارىڭىزعا سەزىمىڭىزدى بىلدىرە ءبىلۋ. اقىلدى جار سۇيىكتى ادامىنىڭ مىنەزىندەگى ەرەكشەلىكتەردى ءوزىنىڭ پايداسىنا قالاي اسىرۋ كەرەك ەكەنىن بىلەدى.

مىسالى، بارلىق ەرلەردىڭ مىنەزىندە ەگو كوپ كەزدەسەدى (بولماۋى وتە سيرەك كەزدەسەدى). اقىماق ايەل بىلمەستىكپەن نەمەسە ادەيى ۇنەمى ەرىنىڭ مىنەزىنە ءتيىپ قالادى. ال، اقىلدى جار ءوز سۇيگەن جارىنىڭ باعاسىن قالاي كوتەرۋدى بىلەدى جانە مۇنى شىنايىلىقپەن جاسايدى.

ەشقاشان ەرىڭىزدى تومەن تۇسىرمەڭىز جانە ونىڭ كەمشىلىكتەرىن جۇرت الدىندا ايتپاڭىز. ونىڭ ارتىنان مۇلدە وسەكتەمەڭىز. ول ەر ادام رەتىندە نە سەزىنەتىندىگىن تۇسىنۋگە تىرىسىڭىز. قانشالىقتى ءسىز بۇل قاعيدالاردى بۇزاتىن بولساڭىز، سونشالىقتى ءسىز اراداعى قارىم- قاتىناستى بۇزاسىز.

ەكىنشىدەن، قارىم- قاتىناستارىڭىزدى نىعايتۋ ءۇشىن جارىڭىز جايلى پىكىرلەرىڭىز شىنايى بولسىن. مۇمكىن، ءسىز كەيدە ءوزىڭىزدىڭ قۇربىلارىڭىزدىڭ كۇيەۋلەرىنە قاراپ قىزىعاتىن بولارسىز. ءبىراق ەسىڭىزدە ساقتاڭىز: ءشوپ باسقا اۋماقتا ۇنەمى جاسىل بولمايدى عوي. ارمانداۋدىڭ ورنىنا، ءسىز جارىڭىزدىڭ وسىنداي بولعانىنا شۇكىرشىلىك ەتۋىڭىز كەرەك. ول، مۇمكىن، باسقا كۇيەۋلەر سياقتى اۋقاتتى، اقىلدى نەمەسە سىمباتتى ەمەس شىعار، ءبىراق ونىڭ وزىندىك تاڭ قالدىرارلىق قابىلەتتەرى بولۋى اقيقات.

جارىڭىزعا كيلىگە بەرمەڭىز جىنە ءارقاشان ونىڭ قاتەلىكتەرىن جوندەمەڭىز، اسىرەسە ول كىشكەنتاي عانا بولسا. ەڭ ناشارى، ونى تومەن تۇسىرۋدەن باسقا - تالاپتارىڭىزدى ايتىپ قيناۋ. ەر ادامدار بايبالام سالعاندى ۇناتپايدى. كەز كەلگەن تالاپتىڭ ورنى بولۋى كەرەك. تالاپتارىڭىزدى ايتا بەرۋدىڭ ورنىنا، سىپايى جانە سابىرلى تۇردە وتىرىپ سويلەسىڭىزدەر.

ارينە، وتباسىندا ەر ادام كوپ بايبالام سالاتىن جاعدايلار دا بولادى. ءبىزدىڭ بارلىق كەڭەستەرىمىز تەك ايەلدەر قاۋىمىنا عانا ەمەس، جارىمەن قالاي ءتىل تابىسۋدى بىلمەي جۇرگەن ازاماتتارعا دا ارنالاتىنى انىق. سۇيىكتى جارىڭىزدىڭ تالابىنا جاۋاپ بەرىڭىز جانە ونىڭ پىكىرىن سىيلاۋعا تىرىسىڭىز.

بارلىعىن بارىنشا سابىرمەن شەشىڭىز، ايتپەسە كيكىلجىڭ ودان ءارى كۇشەيە تۇسەدى. ال، اشۋ جينالىپ، ميىڭىز سىزگە باعىنباي كەتسە، ءبىر-ءبىرىڭىزدى تۇسىنۋدەن قالاسىزدار. عۇلامالاردىڭ ايتۋى بويىنشا: «اشۋ - دۇشپان، اقىل - دوس». قارىم-قاتىناستى ۇنەمى بار كۇشپەن قولداۋ كەرەك.

سونىمەن، ءتورتىنشى ءارى سوڭعىسى - سويلەسۋ ءتارتىبى. قانداي دا ءبىر تۇسىنىسپەۋشىلىك بولعان جاعدايدا، بىردەن ايتىپ، شەشكەن دۇرىس. ولار وزدىگىنەن شەشىلىپ جانە ۇمىتىلىپ كەتەدى دەپ ىشىڭىزگە ساقتاۋدىڭ قاجەتى جوق! ايتىڭىز! ادامعا سويلەۋ قابىلەتى سول ءۇشىن دە بەرىلگەن، وكىنىشكە وراي، ادامداردىڭ ويىن وقي المايمىز. سابىرلى تۇردە سويلەڭىز. جانە دە بۇل ەرەجە كەرەك ۋاقىتتى جانە جەردى تاڭداۋعا كومەكتەسەدى. ءوزىڭىزدى قىزىقتىرعان سۇراقتاردى كوپشىلىكتىڭ الدىندا ەش ۋاقىتتا قويماڭىز.

مىنە، وسى ءوز وتباسىڭىزدى ساقتاۋعا ارنالعان ەڭ نەگىزگى قاعيدالار. ءسۇيىڭىز جانە سۇيىكتى بولىڭىز!

 

دەرەككوز: http://www.zhenskoeschastie.com