ەلىمىزدەگى ەڭ ءبىلىمدى وقۋشىلاردى انىقتايتىن تۋرنير باستالدى
بۇل تۋرالى ق ر تۇڭعىش پرەزيدەنتى - ەلباسىنىڭ قورى مەن مەملەكەتتىك ءتىلدى دامىتۋ قورىنىڭ باسپا ءسوز قىزمەتى حابارلايدى.
«كىم بىلگىش؟» ەرۋديتتەر سايىسى ءداستۇرلى تۋرنيرگە اينالدى. وسى جىلى تۋرنير ءۇشىنشى رەت وتكىزىلۋدە. بيىلعى ءتۋرنيردىڭ ەرەكشەلىگى ويىننىڭ اعىلشىن تىلىندەگى نۇسقاسىنىڭ قوسىلۋى، ول قاتىسۋشىلارعا اعىلشىن تىلىندەگى ءبىلىم دەڭگەيىن كورسەتۋگە مۇمكىندىك بەرەدى.
اتالعان ينتەللەكتۋالدىق ويىن سپورت، ⅩⅩ عاسىر، XXI عاسىر، الەمدە، ونەر، قازاقستان تاريحى، قازاقستان تابيعاتى، دەنساۋلىق، عىلىم تاقىرىپتارىنداعى 30000 نان استام سۇراقتاردان تۇراتىن موبيلدى قوسىمشا. ونلاين تۋرنير «كىم بىلگىش؟» ينتەللەكتۋالدى ويىنى بويىنشا قاتىسۋشىلار اراسىنداعى سايىس تۇرىندە وتەدى. ويىنشى التى راۋند بويى ءتۇرلى كاتەگوريالارداعى سۇراقتارعا جاۋاپ بەرۋى قاجەت. ويىن جەڭىمپازى دۇرىس جاۋاپتار سانى بويىنشا انىقتالادى. تۋرنير قازاق، ورىس نەمەسە اعىلشىن تىلىندە وتكىزىلەدى.
ونلاين تۋرنيرگە قاتىسۋ وتىنىمدەرىن قابىلداۋ مەرزىمى - 2018 ج. 21 -مامىرىنان 30 -ماۋسىمىنا دەيىن. ونلاين تۋرنيرگە www.qazaq-found.kz سايتىنىڭ ارنايى بايقاۋ پاراقشاسىنا الدىن-الا قاتىسۋعا ءوتىنىم جىبەرگەن رەسپۋبليكانىڭ جوعارعى سىنىپ وقۋشىلارى (9,10,11 -سىنىپتار) قاتىسا الادى.
I جانە II تۋر 2018 -جىلعى 1 -شىلدەدەن 31 -تامىزعا دەيىن ونلاين رەجيمىندە ءوتىپ، قورىتىندى تۋر استانادا بولادى.