ا ق ش-تا قازاقستاندىق بوكسشى كەزەكتى كەزدەسۋىن وتكىزەدى

None
None
استانا. قازاقپارات - قازاقستاندىق بوكسشى ماديار اشكەيەۆ (9-0، 5 ك و) 4 -تامىز كۇنى اتلانتيك سيتيدە (ا ق ش، نيۋ-دجەرسي) كەزەكتى كەزدەسۋىن وتكىزەدى، دەپ حابارلايدى Sports.kz.

جەڭىلىپ كورمەگەن بوكسشىنىڭ ءبىرىنشى ورتا سالماقتاعى كەزدەسۋى سەگىز راۋند فورماتىندا وتەدى. ونىڭ قارسىلاسى ازىرگە انىقتالعان جوق.

ەسكە سالا كەتەيىك، Hard Rock Hotel جانە Casino ارەناسىندا وتەتىن بوكس كەشىنىڭ باستى وقيعاسى رەسەيلىك سەرگەي كوۆاليەۆ (32-2-1، 28 ك و) پەن كولۋمبيالىق ەلەيدەر الۆارەس (23-0، 11 ك و) جەكپە-جەگى بولماق.

ايتا كەتەيىك، ەگيس كليماس ماديار اشكەيەۆتەن (9-0، 5 ك و) باسقا، قانات يسلام (25-0، 20 ك و)، مەيىرىم نۇرسۇلتانوۆ (6-0، 5 ك و)، ساعادات راحمانقۇلوۆ (2-0، 1 ك و) جانە اسحات ءۋاليحانوۆتاردىڭ (2-1، 2 ك و) دا پروموۋتەرى.

سوڭعى جاڭالىقتار