اقشا جيناۋدى ۇيرەنۋدىڭ جەڭىل جولدارى
الايدا كوبىمىز نيەتتەنىپ تىرىسقانمەن ۇنەمدەي دە، جيناي دا المايمىز. قارجى جيناۋدى قالاي ۇيرەنۋگە بولادى؟
ماقسات قويۋ
قارجى جيناۋدان بۇرىن الدىمەن ونىڭ نە ءۇشىن كەرەكتىگىن انىقتاپ الىڭىز. «كىم بىلەدى، كەرەك بولىپ قالار» دەگەن وي ماقساتقا سانالمايدى. سەبەبى كۇن ارا «كەرەك بولىپ قالار» ءساتى تۋىنداپ، اقشا جۇمسالادى. سولاي ەمەس پە؟ سوندىقتان «كولىك، ءۇي الۋعا، ساياحاتقا، بيزنەسكە» دەگەن سەكىلدى ناقتى ماقسات قويىڭىز.
مەرزىمىن بەلگىلەۋ
ماقساتىڭىزدى انىقتاعان سوڭ، ناقتى مەرزىمىن بەلگىلەڭىز. مۇمكىندىگىڭىزدى، قارجى سوماسى مەن بولۋى مۇمكىن «فورس- ماجورلاردى» ەسەپتەڭىز.
سومانى ەسەپتەۋ
ماقساتىڭىزدىڭ قۇنىنا قاراي اي سايىن جيناۋعا قالدىرىلاتىن اقشانىڭ سوماسىن ناقتى ەسەپتەڭىز. ءوزىڭىزدى الداماڭىز، ەگەر جيناي المايتىن سوما بولسا، مەرزىمدى ۇلكەيتىپ، از-ازدان جيناڭىز. تارتىپكە باعىنىپ، اي سايىن بەلگىلەنگەن سومانى جاشىككە سالىپ وتىرىڭىز.
شىعىندى ازايتۋ
بولاشاقتا ءبىر نارسەنى ساتىپ العىڭىز كەلسە، شىعىن مولشەرىن قازىر ازايتۋىڭىز كەرەك. بۇل اقشا جيىنىن ساقتاۋ زاڭى. بوسقا كەتەتىن اقشاڭىزدى (قىدىرۋ، قاجەتى جوق زاتتار الۋ، ويىن- ساۋىق، ت. ب) ەسەپتەپ، كەلەسى ايدا سول سومانى ساقتاپ قالۋعا تىرىسىڭىز. اپتاسىنا ءبىر مەزگىل مەيرامحانا تاماقتانعىڭىز كەلەدى. الايدا ونداي جەردە جۇمسالاتىن قارجىنى ۇنەمدەپ، ازىق- تۇلىك الىپ، ۇيدە تاماقتانعان ءجون.
بيۋدجەت ەسەبىن جوسپارلاۋ
كىرىس پەن شىعىس ەسەبىن جۇرگىزىپ، بيۋدجەتتى جوسپارلايتىن بولساڭىز، اقشانى جيناۋ دا وڭايعا تيەدى. ناقتى ەسەپتىڭ ارقاسىندا شىعىن دا ازايادى.
وسى تالاپتاردىڭ ءبارىن ورىنداپ، ەسكەرەتىن بولساڭىز، بەلگىلەنگەن مەرزىمدە قاجەتتى اقشا سوماسىن جينايسىز. ىسكە ءسات!