شىمكەنتكە نوبەل سىيلىعىنىڭ لاۋرەاتى كەلدى

شىمكەنت. قازاقپارات - وڭتۇستىك قازاقستان وبلىسىنا جۇمىس ساپارىمەن ەسكاتو ب ۇ ۇ دەپارتامەنت باسشىسى، نوبەل سىيلىعىنىڭ لاۋرەاتى راە كۆون چۋڭ كەلدى.

«وڭتۇستىك» ايماقتىق ينۆەستيتسيالىق ورتالىعىنىڭ شاقىرۋىمەن كەلگەن شەتەلدىك قوناق وبلىس اكىمىنىڭ ورىنباسارى ەربول تاسجۇرەكوۆ جانە اتالعان ورتالىقتىڭ باسقارما ءتوراعاسى قۋانىش بايتورەمەن كەزدەستى، دەپ حابارلايدى قازاقپارات ءتىلشىسى.

تاراپتار كەزدەسۋ بارىسىندا ايماقتىق ينۆەستيسيالىق ورتالىق ۇسىنعان تۇركىستان قالاسىنداعى «جاسىل تەحنولوگيالار» نەگىزىندەگى جوبالاردى ىسكە اسىرۋ بارىسىن تالقىلادى. وڭىرگە ينۆەستيتسيا تارتۋ جانە «جاسىل تەحنولوگيالار» نەگىزىندە جوبالاردى ىسكە اسىرۋ ماسەلەلەرىن تالقىلاۋ بارىسى م. اۋەزوۆ اتىنداعى و ق م ۋ قابىرعاسىندا جالعاسىن تاپتى.

راە كۆون چۋڭ مىرزانىڭ قاتىسۋىمەن وتكەن دوڭگەلەك ۇستەل وتىرىسندا قازاقستان رەسپۋبليكاسى پرەزيدەنتىنىڭ «جاسىل» ەكونوميكاعا كوشۋ جونىندەگى ساياسي شەشىمىنىڭ ماڭىزدى ءرولى ءسوز بولدى. اۆتوماتتاندىرۋدى ەنگىزۋ بارىسىندا ر. چۋڭ كوپتەگەن جۇمىس ورىندارىنىڭ جابىلۋى مۇمكىندىگىن اتاپ ءوتتى. وسى كەزەڭدە «جاسىل دامۋ» جۇيەسىنە كوشۋ جاڭا جۇمىس ورىندارىن قۇرۋعا مۇمكىندىك بەرەتىنىن جەتكىزدى.

سونىمەن قاتار، شارا بارىسىندا شىمكەنت قالاسى اكىمىنىڭ ورىنباسارى تيمۋر بايمۇحانوۆ «شىمكەنت قالاسىن كوگالداندىرۋ» تاقىرىبىنداعى جوباسىن تانىستىرسا، «وڭتۇستىك» ايماقتىق ينۆەستيسيالىق ورتالىعىنىڭ باسقارما ءتوراعاسى قۋانىش بايتورە تۇركىستان قالاسىندا «قاتتى قالدىقتاردى قايتا وڭدەۋ» جوبالارى ازىرلەنۋ ساتىسىندا ەكەندىگىن اتاپ ءوتتى. ءارى اتالعان جوبانىڭ ىسكە اسىرۋ مەرزىمى وسى جىلعا جوسپارلانعاندىعى بەلگىلى بولدى.

ايتا كەتۋ كەرەك، جوعارىدا اتالعان جوبالاردى جۇزەگە اسىرۋ 500 دەن استام جوعارى ساپالى جۇمىس ورىندارىن قۇرۋعا مۇمكىندىك بەرەدى.

عىلىمي- پراكتيكالىق دوڭگەلەك ۇستەل ۇيىمداستىرۋشىلارى جاقىن بولاشاقتا قازاقستان رەسپۋبليكاسىنىڭ «جاسىل ەكونوميكاعا» كوشۋى جونىندەگى تۇجىرىمداما اياسىندا جوعارىدا اتالعان جوبالاردى جۇزەگە اسىرۋعا كىرىسپەك.