قۇلاعان كران ماشينيسى استاناداعى كۇشتى جەل كەزىندە نەلىكتەن كابينادا قالىپ قويعانىن ايتتى
بۇگىن الەۋمەتتىك جەلىنى شۋلاتقان ۆيدەونى كران ماشينيسى ەلوردادا كۇشتى جەل تۇرىپ جاتقان كەزدە Otau Development Group قۇرىلىس نىسانىنان تۇسىرگەن.
«كۇشتى جەل بولاتىنى تۋرالى حابار قالانىڭ جەدەل قىزمەت وكىلدەرىنەن ساعات 13.05-تە ءتۇستى. ديسپەتچەر بىردەن سەكۋندىنا 17 مەترلىك جەل تۇراتىنى تۋرالى ەسكەرتۋ جاسادى. بۇدان سوڭ نىساننىڭ جاۋاپتى مەحانيكتەرى جەدەل اقپاراتتى مەسسەندجەرلەر ارقىلى تاراتىپ، كران ماشينيستەرىنە راتسيا ارقىلى حابارلادى»، دەپ ءتۇسىندىردى كومپانيا وكىلدەرى.
قاۋىپسىزدىك تەحنيكاسى ەرەجەسى بويىنشا، ماشينيستەر وزدەرىنىڭ كابينالارىنان شىعىپ كەتكەن. الما ءالىموۆا دا وسى كەزدە ءوزىنىڭ جۇمىس ورنىن تاستاپ شىعۋى كەرەك بولاتىن. بۇل كەزدە جەلدىڭ ۇيتقۋى سەكۋندىنا 17 مەتر بولىپ تۇرعان. الايدا ول جەل تىنىشتالعاندا تۇسەمىن دەپ، جاعدايدىڭ قانشالىقتى كۇردەلى ەكەندىگىنە ءمان بەرمەگەن جانە وسى ارەكەتى ارقىلى قاۋىپسىزدىك ەرەجەلەرىن بۇزعان. ال جەل بولسا، سەكۋندىنا 35 مەتر جىلدامدىقپەن سوعا باستاعان. كران ماشينيستى جەل توقتاعان سوڭ كابينادان شىققان. ول زارداپ شەككەن جوق. ءوزىنىڭ وسى ارەكەتىن ول سەنساتسيالىق ۆيدەو تۇسىرگىسى كەلەتىندىگىمەن ءتۇسىندىردى.
«مەن ەسكەرتۋدىڭ قانشالىقتى قاۋىپتى ەكەندىگىنە جەتە ءمان بەرمەپپىن. مەندە قورقىنىش تا ۇرەي دە بولدى. سوعان قاراماستان بولىپ جاتقان جاعدايدى ۆيدەوعا تۇسىرە بەردىم. 15 مينۋتتان سوڭ، جەل تىنىشتالىپ، مەن جەرگە ءتۇستىم»، - دەيدى ەلوردا تۇرعىنى.