اقمولا وبلىسىندا جەل ەلەكتر ستانسياسى سالىنىپ جاتىر

كوكشەتاۋ. قازاقپارات - اقمولا وبلىسى ارشالى اۋدانىنىڭ اكىمى ازامات تايجانوۆ بۇلاقساي اۋىلىندا بولدى.

وندا «ساتەك Green Energy»  سەرىكتەستىگى جەل ەلەكتر ستانسياسىن سالىپ جاتىر، دەپ حابارلايدى قازاقپارات ىشكى ساياسات باسقارماسىنا سىلتەمە جاساپ.

قۋاتى 50 م ۆ ت بولاتىن ستانتسيا كەلەر جىلى بارلىق قاجەتتى ينفراقۇرىلىمدارمەن قامتاماسىز ەتىلىپ، نىسانعا Vestas كومپانياسىنىڭ V112-3.3MW ماركىلى 15 جەل گەنەراتورلارى قويىلادى.

اتالعان جوبا ساتىمەن جۇزەگە اسىرىلاتىن بولسا، 10 مىڭنان استام ادامنىڭ ەلەكتر قۋاتىنا دەگەن قاجەتتىلىكتەرىن جاڭعىرتىلاتىن ەنەرگيا كوزدەرى ارقىلى قامتاماسىز ەتۋگە مۇمكىندىك تۋادى.

قۇرىلىس كەزىندە 300 جۇمىس ورنى قۇرىلادى، نىساندا قىزمەت كورسەتۋ ءۇشىن 20 ادام تۇراقتى جۇمىس ىستەيتىن بولادى.

جەل ەلەكتر ستانتسياسىنىڭ قۇرىلىسى 2019 -جىلدىڭ ورتاسىنا تامان اياقتالادى.