شارۋالارعا نەسيە بەرۋ جەڭىلدەتىلدى

استانا. قازاقپارات - «اۋىل شارۋاشىلىعىن قارجىلاي قولداۋ قورى» ا ق ارقىلى نەسيە بەرۋ ءۇشىن اۋىل شارۋاشىلىعى ماقساتىنداعى جەرى بولۋ قاجەتتىگى بويىنشا تالاپ الىنىپ تاستالدى.

بۇل تۋرالى ق ر پرەمەر-ءمينيسترىنىڭ ورىنباسارى - اۋىل شارۋاشىلىعى ءمينيسترى ءومىرزاق شوكەيەۆتىڭ ماجىلىسمەندەردىڭ دەپۋتاتتىق ساۋالىنا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.

ەسكە سالا كەتسەك، وسى ايدىڭ باسىندا ق ر پارلامەنتى ءماجىلىسىنىڭ دەپۋتاتى بەيبىت مامرايەۆ باستاعان ءبىر توپ ماجىلىسمەن «اۋىل شارۋاشىلىعىن قارجىلاي قولداۋ قورى» ا ق- نىڭ نەسيەلەۋ شارتارىن قايتا قاراۋدى سۇراپ، ءومىرزاق شوكەيەۆكە دەپۋتاتتىق ساۋال جولداعان بولاتىن. ولار «باستاۋ بيزنەس» باعدارلاماسى بويىنشا وقىتىلىپ، جەكە كاسىپكەر رەتىندە تىركەلگەن اۋىل ازاماتتارى اتالمىش قوردان ۇستىمىزدەگى جىلى مال شارۋاشىلىعىمەن اينالىسۋ ءۇشىن نەسيە الا الماي وتىرعانىن ايتقان ەدى. بۇل ساۋالعا ءومىرزاق شوكەيەۆ كەلەسىدەي جاۋاپ بەردى.

«باعدارلاما بويىنشا بولىنگەن قاراجاتتاردىڭ قايتارىمدىلىعىنا جۇرگىزىلگەن تالداۋدىڭ نەگىزىندە اۋىل شارۋاشىلىعى مينيسترلىگى جەكە كاسىپكەرلەرگە نەسيە بەرۋ شارتى تەك اۋىل شارۋاشىلىعى ماقساتىنداعى جەرلەرى بولعان جاعدايدا عانا قاراستىرىلعان بولاتىن. بۇل تالاپ نەسيە بويىنشا بيزنەس مودەلدىڭ ورنىقتىلىعىنا، سونىمەن قاتار سالىنعان قاراجاتتىڭ ءوزىن-ءوزى اقتاۋىنا نەگىزدەلگەن. الايدا باعدارلامانىڭ الەۋمەتتىك سيپاتىن ەسكەرە وتىرىپ، مينيسترلىك وسى جىلى 11 ساۋىردە «قازاگرو» حولدينگىنىڭ ەنشىلەس ۇيىمدارىنا نەسيە بەرۋ شارتتارىن جولدادى. وندا جەكە كاسىپكەرلەر ءۇشىن اۋىل شارۋاشىلىعى ماقساتىنداعى جەرلەرى بولۋ قاجەتتىگى بويىنشا تالاپتارى الىنىپ تاستالدى»، - دەلىنگەن جاۋاپتا.

ءمينيستردىڭ جاۋابىنا سايكەس، اتالعان تالاپ تەك زاكىرلى كووپەراتسيانىڭ قاتىسۋشىلارى ءۇشىن ساقتالعان.

«قوردىڭ نەسيە بەرۋ شارتتارىن 2018 -جىلعى 17 -ساۋىردە ديرەكتورلار كەڭەسى قايتا قارادى جانە بەكىتتى. وندا باعدارلاما شەڭبەرىندە مال شارۋاشىلىعىن دامىتۋعا جانە ساتىپ الۋعا نەسيە بەرىلەتىن نەسيەلىك ونىمدەر بويىنشا جەكە كاسىپكەرلەر نىسانالى توپ رەتىندە قوسىلدى. وسىلايشا، قولدانىستاعى شارتتار زاكىرلى كووپەراتسيانىڭ قاتىسۋشىلارى بولىپ تابىلمايتىن جەكە كاسىپكەرلەر ءۇشىن اۋىل شارۋاشىلىعى ماقساتىنداعى جەرلەرى بولماي، بارلىق اۋىل شارۋاشىلىعى جانۋارلارىن، قۇستارىن، بال ارالارىن وسىرۋگە، سونداي-اق اۋىل شارۋاشىلىعى ەمەس قىزمەت تۇرلەرىمەن اينالىسۋ ءۇشىن قارىز الۋعا مۇمكىندىك بەرەدى»، - دەلىنگەن جاۋاپتا.