قىزىلوردادا ءداستۇرلى ونەر اكادەمياسى اشىلادى

None
None
 استانا. قازاقپارات - قىزىلوردا وبلىسىندا رۋحاني جاڭعىرۋ ورتالىعى اشىلدى. بىلتىر ايماقتا ەلباسىنىڭ باعدارلاماسى اياسىندا 600-دەن استام ءىس- شارا ۇيىمداستىرىلىپ، 79 جوبا جۇزەگە اسقان.

 بۇل تۋرالى ءوڭىر باسشىسى قىرىمبەك كوشەربايەۆ مالىمدەدى. استاناعا ارنايى كەلگەن ول، ءوڭىردىڭ بۇگىنگى تىنىس- تىرشىلىگىمەن دە تانىستىردى.

 «رۋحاني جاڭعىرۋ» باعدارلاماسىن جۇزەگە اسىرۋدا جاستار قاۋىمىنا ەرەكشە نازار ءبولىنىپ وتىر. جوعارى وقۋ ورىندارىندا ارنايى كافەدرا اشىلىپ، تاقىرىپتىق پاندەر ەنگىزىلدى. ال مەكتەپ وقۋشىلارى ءۇشىن «ولكە تانۋ» وقۋلىعى دايىندالىپ جاتىر. وعان وبلىستىق بيۋدجەتتەن 25 ميلليون تەڭگە كولەمىندە قارجى ءبولىندى. بۇدان بولەك جىر سۇلەيلەرى شىققان كيەلى ايماق جاس ونەرپازداردى قولداۋعا نيەتتى. وسىعان وراي ونەر اكادەمياسى اشىلماق.

 قىرىمبەك كوشەربايەۆ،  قىزىلوردا وبلىسىنىڭ اكىمى:

- سىر بويىندا بىرنەشە جىراۋلىق ونەر مەكتەپتەرى قالىپتاسقان. سوندىقتان ءبىز ۇكىمەتكە، ۇلتتىق جاڭعىرۋ كوميسسياسىنا  قىزىلوردادا ءداستۇرلى ونەر اكادەمياسىن اشۋ تۋرالى ۇسىنىس جاسادىق. ىشىندە كوللەدج، باكالاۆر، ماگيستراتۋرا كەرەك. 250-300 ستۋدەنتتەن ارتىعى كەرەك جوق. دايىندىق جۇمىستارىن وبلىستىق بيۋدجەت ەسەبىنەن اتقارىپ جاتىرمىز. ءبارىن ءوزىمىز شەشەمىز، تەك بولاشاقتا ۇكىمەتتىڭ قاۋلىسى شىقسا بولعانى.

 وبلىس باسشىسىنىڭ ايتۋىنشا، ايماقتا تۋريزم سالاسىن دامىتۋ ماقساتىندا بىرنەشە جوبا قولعا الىنعان. ناقتى ايتار بولساق جانكەنت، سورتوبە، جەنت، سىعاناق، شىرىك- رابات قالاشىقتارى مەن كەردەرى كەسەنەسىنە ارحەولوگيالىق زەرتتەۋلەر جۇرگىزىلدى. ناتيجەسىندە تاريحي- مادەني ەسكەرتكىشتەردىڭ 3D- كارتاسى ازىرلەنبەك. سونىمەن قاتار بىلتىر قورقىت اتا مۇرالارى الدىن الا يۋنەسكو- نىڭ حالىقارالىق مادەني مۇرا تىزىمىنە ەنگىزىلدى.

 قىرىمبەك كوشەربايەۆ،  قىزىلوردا وبلىسىنىڭ اكىمى:

 - وتكەن جىلدىڭ وزىندە 15 مىڭعا جۋىق تۋريست قورقىت اتانىڭ باسىندا بولدى. ءبىزدىڭ مادەنيەتىمىزبەن، تاريحىمىزبەن تانىسىپ، قىزىعۋشىلىق پايدا بولىپ جاتىر. ۇلى جىبەك جولىنىڭى باتىس قىتاي- باتىس ەۋروپا جولىندا سالىنۋى ءبىزدىڭ سىر بويىنداعى تاريحي- مادەني مۇرا ەسكەرتكىشتەرىمىزدىڭ تۋريستىك اينالىمعا ەنۋىنە مۇمكىندىك جاساپ وتىر. ەندىگى كەزەكتە بايقوڭىردى عارىش ايلاعىمەن عانا بايلانىستىرىپ قويماي، تۋريستىك ورتا رەتىندە دامىتۋ جوسپارلانعان. بىرىككەن اراب امىرلىكتەرىنەن مينيستر كەلىپ كەتتى. بايقوڭىردا بىرنەشە ۇلكەن ستارتوۆىي كومپلەكس بار. سونىڭ ۇشەۋىن ولار الىپ، سول جەردە جۇمىس ىستەۋ ءۇشىن ولار قارجى سالۋعا مۇددەلى. تۋريزمگە بايلانىستى مەيمانحانا، سەرۆيستىك ورتالىقتار سالۋعا وزدەرى مۇددەلى ەكەنىن ايتىپ وتىر. سونىمەن قاتار  قىزىلوردا وبلىسىندا ەلباسى باعدارلاماسى اياسىندا «سوتسىز تاتۋلاسۋ ورتالىعىن» اشۋ كوزدەلگەن. كەزىندەگى بيلەر ينستيتۋتى مەن اقساقالدار القاسىن جالعاستىرۋدى كوزدەيتىن پيلوتتىق جوبا داۋلى ماسەلەلەردىڭ قاتارىن ازايتۋدى ماقسات ەتەدى.

www.24.kz

سوڭعى جاڭالىقتار