مينيستر «ايكا» تۋرالى: مەنىڭ قىرعىزدار تۋرالى ايتقانىما بۇل فيلمنىڭ ەشبىر قاتىسى جوق

استانا. قازاقپارات - «ايكا» فيلمىنىڭ باس كەيىپكەرىن قازاقستاندىق ءارتىس سامال ەسلياموۆا سومدادى. سول ءۇشىن كانن فەستيۆالىنىڭ «ۇزدىك ايەل ءرولى» اتاعىن جەڭىپ الدى. فيلمدە ماسكەۋ قالاسىنداعى قىرعىز ميگرانتتارىنىڭ ءومىرى تۋرالى باياندالادى، دەپ حابارلايدى قازاقپارات ءتىلشىسى.

ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ ايتۋىنشا، اتالعان كارتيناعا مەملەكەت تاراپىنان قارجى بولىنگەن جوق. بۇل - رەجيسسەر سەرگەي دۆورتسيەۆويدىڭ جەكە تۋىندىسى. «مەنىڭ قىرعىزدار تۋرالى ايتقانىما بۇل فيلمنىڭ ەشبىر قاتىسى جوق. نەگىزى، سول كەزدە مەن شىڭعىس ايتماتوۆتىڭ شىعارماشىلىعى مەن فيلوسوفياسى تۋرالى ايتقان ەدىم. سوسىن قىرعىز ميگرانتتارىن مىسالعا كەلتىردىم. فيلمدە ءدال سول جاعدايلار كورسەتىلەدى. دەگەنمەن، ءبىزدىڭ بۇل فيلمگە ەشبىر قاتىسىمىز جوق. ايتپەسە، مەنىڭ ايتقان سوزدەرىمنەن كەيىن «قازاقفيلمگە» تاپسىرىس بەرىپ، وسى فيلمدى ءتۇسىردى دەگەن وي پايدا بولادى. ولاي ەمەس. بۇل تازا سەرگەي دۆورتسيەۆويدىڭ جەكە جوباسى. ول فيلمدى جەكە اقشاعا ءتۇسىردى. ءبىراق ءبىز ونىمەن «قازاق فيلم» ارقىلى ارىپتەستىك ورناتۋدى قالايمىز»، - دەدى ا. مۇحامەدي ۇلى استانادا وتكەن كەزدەسۋدە.

مينيستر مۇحامەدي ۇلى جاس ءارتىس سامال ەسلياموۆانىڭ جەتىستىگىن دە ەرەكشە اتاپ ءوتتى. ونىڭ سوزىنە قاراعاندا، بۇرىنعى ك س ر و- دا، ءتىپتى پوست كەڭەستىك ۋاقىتتا دا بىردە- ءبىر ءارتىس كانن فەستيۆالىنىڭ «ۇزدىك ايەل ءرولى» اتاعىنا يە بولماعان. «1958 -جىلى «لەتيات جۋراۆلي» فيلمى «پالموۆايا ۆەتۆ» بايقاۋىنىڭ التىن جۇلدەسىن جەڭىپ العان بولاتىن. سول كەزدە ءارتىس تاتيانا سامويلوۆا تەك ءادىلقازىلار القاسىنىڭ سىيلىعىنا عانا يە بولدى. سونىڭ وزىندە ك س ر و حالقى قاتتى قۋاندى. ال سامال ەسلياموۆا كانن فەستيۆالىنىڭ باس جۇلدەسىن يەلەندى. ساحناعا ۇلتتىق كيىممەن شىقتى. ءسوزىن دە قازاق تىلىندە باستادى»، - دەپ اتاپ كورسەتتى ا. مۇحامەدي ۇلى.

ال رەجيسسەر سەرگەي دۆورتسيەۆويدىڭ ايتۋىنشا، «ايكا» فيلمىنە 2,5 ميلليون ەۋرو جۇمسالدى. ءتۇسىرۋ جۇمىستارىنا التى جىل كەتتى. «مەن ءوزىم قازاقستاندا دۇنيەگە كەلگەنمىن. انام ءالى كۇنگە دەيىن شىمكەنتتە تۇرادى. ول جاقتا تۋىستار دا كوپ. مەن ءجيى بارىپ تۇرامىن. نەگىزى، مەنتاليتەت جاعىنان ماعان قازاقستاندىقتار جاقىن. ءوز توبىما سولاردى كوبىرەك جينايمىن. سەبەبى ولار جاقسى جۇمىس ىستەيدى. سوسىن ءبىر- ءبىرىمىزدى جاقسى تۇسىنەمىز»، - دەيدى س. دۆورتسيەۆوي.

 ايتا كەتەيىك، «ايكا» فيلمى كۇزدە پروكاتقا شىعادى. «ايكا» ءۇشىن ۇيالمايسىزدار»، - دەيدى سامال ەسلياموۆا.

اۆتور: ارمان اسقاروۆ