گيتلەردىڭ قاشان قايتىس بولعانى انىقتالدى
زەرتتەۋشىلەر 2017 -جىلى رەسەي بەرگەن گيتلەر مۇردەسى شىنىندا دا ادولفكە ءتيىستى ەكەندىگىن ساراپتاما جۇمىسىنان سوڭ كوز جەتكىزىپ وتىر. ساراپتاما گيتلەردىڭ 1945 -جىلدىڭ 30 - ءساۋىر كۇنى قايتىس بولعانىن راستادى.
"ءبىز گيتلەر جايلى بارلىق اڭىزعا نۇكتە قويعىمىز كەلەدى. ول سۋ استى كەمەسىمەن ارگەنتيناعا بارماعان. انتاركتيداداعى قۇپيا بازاسىندا نەمەسە ايدىڭ كورىنبەيتىن قاراڭعى بەتىندە دە بولماعان"، - دەيدى زەرتتەۋ توبىنىڭ جەتەكشىسى فيليپپ شارلە. سونىمەن بىرگە، عالىمدار ديكتاتوردىڭ باس سۇيەگىنە دە زەرتتەۋ جۇرگىزدى. زەرتتەۋ ناتيجەسى گيتلەردىڭ ولىمىنەن ءبىر جىل بۇرىنعى باسىنىڭ رەنتگەنوگرافياسىنا تولىقتاي سايكەس كەلدى. وسىعان دەيىن عالىمدار ديكتاتوردىڭ ولىمىنە نە سەبەپ بولعانىن انىقتاي الماعان ەدى. گيتلەردىڭ ءتىس پروتەزدەرى اراسىنداعى ۋ قالدىقتارى مەن باس سۇيەگىندەگى وق ءىزى ونىڭ ولىمىنە نە سەبەپ بولعانىن انىق كورسەتىپ بەرىپ وتىر.
Massaget.kz