التى جاسىمدا قازاق مەكتەبىنە بارامىن دەگەن شەشىمدى ءوزىم قابىلدادىم - سامال ەسلياموۆا

None
None
استانا. قازاقپارات - كانن فەستيۆالىنىڭ جەڭىمپازى سامال ەسلياموۆا ءوزىنىڭ بالالىق شاعى مەن ارتىستىك جولى تۋرالى ايتىپ بەردى. بۇگىن جاس ءارتىس استانادا ق ر مادەنيەت جانە سپورت ءمينيسترى ارىستانبەك مۇحامەدي ۇلىمەن كەزدەستى، دەپ حابارلايدى قازاقپارات ءتىلشىسى.

 «مەن سولتۇستىك قازاقستان وبلىسىندا قازىرگى اققايىڭ اۋدانى ارالاعاش اۋىلىندا دۇنيەگە كەلدىم. سول جەردە ءوسىپ، مەكتەپكە باردىم. مەنىڭ انام ورىسشا سويلەگەننەن كەيىن مەنى ورىس مەكتەبىنە بەرگىسى كەلدى. ءبىراق مەن التى جاستا بولسام دا، قازاق مەكتەبىنە بارامىن دەپ ايتتىم. اكەم بارسىن دەدى، ءوزىم كومەكتەسەمىن دەپ شىقتى. 90- جىلدارى قيىن بولدى عوي. ءالى ەسىمدە، مەكتەپتە پەش جاقتىق. سوندا مۇعالىمدەردىڭ بەرگەن ءبىلىمى مەن تاربيەسىن ەشقاشان ۇمىتپايمىن. ولارعا مىڭ دا ءبىر العىس ايتقىپ كەلىپ وتىر. ءسويتىپ، قازاق مەكتەبىن ءبىتىرىپ، پەتروپاۆل قالاسىنداعى ونەر كوللەدجىنە ءتۇستىم. سول كەزدە قازاق تەاترىنىڭ كوركەمدىك جەتەكشىسى ارتىستىك كۋرس اشىپ، قازاق تىلىندە ءبىلىم بەرۋدى قولعا الدى. مەن اتالعان كۋرستى ءبىتىردىم. سونىمەن قاتار تەاتردا جۇمىس ىستەپ ءجۇردىم»، - دەدى س. ەسلياموۆا.

سامال «تيۋلپان» فيلمىنە تۇسكەننەن كەيىن ماسكەۋگە بارعان. سول جەردە رەسەيدىڭ تەاترالدىق ونەر اكادەمياسىنا ءتۇستى.

«كوللەدجدەن كەيىن جوعارى ءبىلىم كەرەك قوي. سودان مەن ماسكەۋ اكادەمياسىنا تۇسۋگە بەل بايلادىم. ونى اياقتاعاننان كەيىن سەرگەي ۆلاديميروۆيچ مەنى ەكىنشى كارتيناسىنا شاقىردى. «ايكا» فيلمى التى جىل بويى ءتۇسىرىلدى. ءسويتىپ، كانن فەستيۆالىندە جەڭىمپاز اتاندىق. ەلىمە، جەرىمە ءوز العىسىمدى ايتقىم كەلىپ وتىر. سىزدەرگە كوپتەن- كوپ راقمەت! بىرنەشە كۇننەن بەرى وتە كوپ قۇتتىقتاۋلار كەلىپ جاتىر. حالىقتىڭ ىنتاسىن، ىقىلاسىن سەزىپ جاتىرمىن. مەن ءۇشىن بۇل - ۇلكەن باقىت. حالقىما مىڭ العىس!»، - دەيدى س. ەسلياموۆا.

Алты жасымда қазақ мектебіне барамын деген шешімді өзім қабылдадым - Самал Еслямова

رەجيسسەر سەرگەي دۆورتسيەۆويدىڭ ايتۋىنشا، «ايكا» فيلمى ءبىر- ءبىر جارىم ايدان كەيىن دايىن بولادى. ال الەمدىك پروكات كۇزدە باستالادى. «كانن فەستيۆالىندە بىزگە جارتىلاي دايىن ماتەريالدى كورسەتۋگە رۇقسات بەردى. سونىڭ وزىندە سامالدىڭ ارتىستىك ونەرى ءادىلقازىلار القاسىن تاڭعالدىردى»، - دەدى س. دۆورتسيەۆوي.

 ايتا كەتەيىك، قازاقستاندىق اكتريسا سامال ەسلياموۆا 71- كانن كينوفەستيۆالىندە «ۇزدىك ايەل ءرولى» اتالىمىندا جەڭىمپاز بولدى. اتالعان ماراپاتتى ول رەسەيىك رەجيسسەر سەرگەي دۆورتسيەۆويدىڭ «ايكا» اتتى كارتيناسىنداعى ءرولى ءۇشىن الدى. فيلمدە ماسكەۋگە جۇمىسقا بارعان قىرعىز قىزىنىڭ تاعدىرى جايىندا باياندالادى.

 بۇگىن سامال ەسلياموۆا استاناعا ۇشىپ كەلدى. اۋەجايدا اكتريسانى قازاق جاستارى مۇقاعالي ماقاتايەۆتىڭ «قازاقستان» اتتى ولەڭىنە جازىلعان انمەن قارسى الدى. «سەن مەنىڭ سۇيەگىم مەن قانىمداسىڭ، جانىمداسىڭ، ۇياتىم، ارىمداسىڭ»، دەپ ءان سالعان جاستاردىڭ كەيبىرى ۇلتتىق ناقىشتاعى كيىم كيىپ كەلگەن.

اۆتور: ارمان اسقاروۆ

Алты жасымда қазақ мектебіне барамын деген шешімді өзім қабылдадым - Самал Еслямова

سوڭعى جاڭالىقتار