الەم چەمپيوناتىنان تىس قالعان جۇلدىزدار

None
None
 استانا.قازاقپارات - فۋتبولدان الەم چەمپيوناتىنا قاتىساتىن قۇرامالاردىڭ باسىم بولىگى رەسەيگە كەلەتىن ويىنشىلارىنىڭ ءتىزىمىن جاريالاپ قويدى.

الايدا باپكەرلەر شەشىمىمەن كوپتەگەن تانىمال فۋتبولشىلار قۇراماعا ىلىنبەي قالدى. الەم چەمپيوناتىنا كەلمەيتىن ويىنشىلاردان قۇرالعان سيمۆوليكالىق قۇرامانى جاساقتاپ كورەيىك.

دجو حارت (انگليا)

 اعىلشىن قاقپاشىسىنىڭ كارەراسىن پەپ گۆارديوللا قۇرتتى. يسپان مامانى حارتتىڭ ويىنى «مانچەستەر سيتيدىڭ» دەڭگەيىنە ساي كەلمەيدى دەگەن سوڭ، گولكيپەر ارەنداعا كەتكەن. بۇل ماۋسىمدا حارت «ۆەست حەم» ساپىندا 19 رەت الاڭعا شىعىپ، 39 دوپ جىبەرىپ، قۇراما ساپىنان تىس قالدى.

 الەكس ساندرۋ (برازيليا)

 

«يۋۆەنتۋس» قورعاۋشىسى وسىمەن ءۇشىنشى جىل قاتارىنان يتاليا چەمپيوندارىنىڭ نەگىزگى ويىنشىسى بولعانىنا قاراماستان، برازيليا قۇراماسىنىڭ باس باپكەرى ونى كوزگە ىلەتىن ەمەس. قازىرگى تاڭدا برازيليانىڭ سول قاپتالداعى ۇزدىك قورعاۋشىسى - «رەال» ويىنشىسى مارسەلو. تيتەنىڭ ويىنشا، مارسەلونىڭ باستى ءىزباسارى - فيليپە لۋيس («اتلەتيكو» ) .

 داۆيد لۋيز (برازيليا)

 

«چەلسي» قورعاۋشىسى ءۇشىن ماۋسىم جاقسى باستالدى. ول نەگىزگى قۇرامدا ءجيى الاڭعا شىعىپ، گول دا سوقتى. الايدا قاراشا ايىندا باس باپكەر كونتەمەن كەلىسە الماي قالىپ، نەگىزگى قۇرامنان ۇشىپ كەتكەن. سودان بەرى ول الا- قۇلا ونەر كورسەتە باستادى. قورعاۋشى اقپان ايىنان بەرى ويناعان جوق، سول سەبەپتى قۇراماعا دا ىلىنبەدى.

 شكودران مۋستافي (گەرمانيا)

 

ءتورت جىل بۇرىن مۋستافيدىڭ جولى بولىپ كەتكەن. ول كەنەتتەن جاراقات العان رويستىڭ ورنىن باسىپ، الەم چەمپيوناتىنا اتتانعان ەدى. ول برازيليادا بىرنەشە ماتچتا الاڭعا دا شىعىپ، 1/8 فينالدا الجير قۇراماسىنا قارسى ويناپ، جاراقات العان. ەندى ول بيىل رەسەيگە بارا المايدى. «ارسەنال» ويىنشىسى يواحيم ليەۆتى ءوز ونەرىمەن ءتانتى ەتە الماعان سياقتى

ەكتور بەلەرين (يسپانيا)

 

«ارسەنالدىڭ» بۇل قورعاۋشىسى دا ءوز قۇراماسى ساپىنا ىلىكپەي قالدى. يسپانيادا ءدال قازىر وڭ قاپتالداعى باسەكەلەستىك ءورشىپ تۇر. كارۆاحال، اسپيليكۋەتا، سەرحيو روبەرتو.

 رادجا ناينگگولان (بەلگيا)

 

ا سەرياسىنداعى ۇزدىك ورتالىق حاۆبەكتەردىڭ ءبىرى ناينگوللاننىڭ يسپانيالىق مامان روبەرتو مارتينەسپەن ءاۋ باستان جۇلدىزى جاراسپاي كەلەدى. بىلتىر دا جاتتىعۋعا ءبىر مينۋت كەشىككەنى ءۇشىن باس باپكەر رادجانى نەگىزگى قۇرامنان الىپ تاستاعان ەدى. فۋتبولشىنىڭ ءوزى دە جەتىسىپ تۇرعان جوق. جاڭا جىل ءتۇنى ول ەزۋىنە تەمەكى قىستىرىپ، الەۋمەتتىك جەلىدە تىكەلەي ەفيرگە شىققان. ەرتەسىنە بىردەن ۇلتتىق قۇراماداعى مانسابىن اياقتادى.

 يگور دەنيسوۆ (روسسيا)

 

رەسەي پرەمەر- ليگاسىنىڭ جۇلدىزى دەنيسوۆ تە باس باپكەر چەرچەسوۆپەن بىتىمگە كەلە الماي ءجۇر. ولاردىڭ تايتالاسى «ديناموداعى» ساتتەرىنەن باستالعان. ەگەر قۇرامانى بۇرىنعىداي فابيو كاپەللو نەمەسە لەونيد سلۋتسكيي باپتاپ تۇرسا، جارتىلاي قورعاۋشىنىڭ ۇلتتىق قۇراماعا ەنۋ مۇمكىندىگى ساقتالۋشى ەدى.

 ماريو گەتتسە (گەرمانيا)

 
ءتورت جىل بۇرىن الەم چەمپيوناتىنىڭ فينالىندا گول سوققاننان كەيىن، ونىڭ جولى اشىلىپ جۇرە بەرۋى ءتيىس ەدى. الايدا ءبارى كەرىسىنشە بولدى. گەتتسە بۇرىنعىدان دا ناشار ويناپ، سيرەك گول سوقتى. سوندىقتان ول ليەۆكە ەش كىنا ارتا المايدى. ارينە، العان جاراقاتى دا وعان كەسىرىن تيگىزدى. دەگەنمەن ماريو ءالى جاس، ماۋسىمدا ول 26 جاسقا تولادى.

 انتوني مارسيال (فرانتسيا)

 

«مانچەستەر يۋنايتەدتىڭ» قاپتالداعى شابۋىلشىسى جاپ- جاقسى ماۋسىم وتكىزدى: 9 گول سوعىپ، 5 ناتيجەلى پاس بەرگەن. ءبىراق فرانتسيادا ول سياقتى شابۋىلشىلار تولىپ جاتىر ەكەن. ول تۇگىلى بەنزەما، بەن يەددەر، لياكازەتت سىندى شەبەرلەر دە ءا چ- عا بارا المايدى.

 كاريم بەنزەما (فرانتسيا)

 

ەڭ تانىمال فرانسۋز فۋتبولشىسى ءبىراز ۋاقىتتان بەرى ۇلتتىق قۇراماعا شاقىرىلماي ءجۇر. وعان ۆالبۋەنامەن بولعان ءينتيمدى بەينەجازبا داۋى دا سەبەپ بولعان. بەنزەما بۇل تۇرعىدا ءوزىنىڭ كىنالى ەمەس ەكەنىن دە ايتقان بولاتىن.

 الۆارو موراتا (يسپانيا)

 

«چەلسي» وزدەرىندە سول كەزدە شابۋىلشى ديەگو كوستانىڭ بولعانىنا قاراماستان، بىلتىر جازدا بويشاڭ شابۋىلشى موراتانى 80 ميلليون ەۋروعا ساتىپ العان. ناتيجەسىندە كوستا باس باپكەر كونتەمەن كەلىسە الماي، قايتادان «اتلەتيكوعا» اۋىسقان. جانە برازيليالىق- يسپانيالىق ويىنشى قۇرامانىڭ باستى شابۋىلشىسى رەتىندە رەسەيگە اتتانادى. ال موراتا وزىنە تولەنگەن اقشانى اقتاي الماي، يسپانيا قۇراماسىنىڭ تىزىمىنەن تىس قالدى.

 
 اباي ايماعامبەت

«ايقىن»

سوڭعى جاڭالىقتار