استاناداعى داۋىل: اۋەجايدا ۇشاق ۇشىپ- قونۋ جولاعىنان شىعىپ كەتتى
دەپ حابارلايدى قازاقپارات ءتىلشىسى ازاماتتىق اۆياتسيا كوميتەتىنىڭ باسپا ءسوز قىزمەتىنە سىلتەمە جاساپ.
«بۇگىن استانا اۋەجايىندا «ەير استانا» اۋەكومپانياسىنىڭ شىمكەنت - استانا باعىتىنداعى KS352 رەيسىنىڭ تىركەۋ ءنومىرى P4-KВВ Airbus-320 ۇشاعى 13:22-دە قونعاننان كەيىن ۇشىپ- قونۋ جولاعىنان شىعىپ كەتتى. بورتتا 97 جولاۋشى جانە 9 ەكيپاج مۇشەسى بولدى. اۋە كەمەسى تۇراققا جەتكىزىلدى. قوزعالتقىشقا زاقىم كەلگەن. ايەرودروم 13 ساعات 30 مينۋتتان 14 ساعات 10 مينۋتقا دەيىنگى ارالىقتا جابىلعان بولاتىن»، - دەلىنگەن حابارلامادا.
ەسكە سالا كەتسەك، استانادا بۇگىن قاتتى داۋىل سوعىپ، بۇرشاق ارالاس جاڭبىر جاۋدى. وسىنىڭ سالدارىنان تۇركىستان كوشەسىندەگى قۇرىلىس الاڭىنداعى كران قۇلاپ، بەيبىتشىلىك جانە كەلىسىم سارايى عيماراتىنىڭ اينەكتەرى قيراپ، ارناساي 127 كوشەسىندەگى تۇرعىن ءۇيدىڭ، № 24 ورتا مەكتەپتىڭ، ۇركەر شاعىن اۋدانىنداعى ە- 638 كوشەسىندەگى №91 بالاباقشا شاتىرى ۇشىپ كەتكەن. سونىمەن قاتار، 13 ادام جەدەل جاردەم قىزمەتىن شاقىرتقان.