15:03, 22 - مامىر 2018 | GMT +6
مەملەكەت باسشىسى بەيبىت اتامقۇلوۆتى قابىلدادى
استانا. قازاقپارات - مەملەكەت باسشىسى قورعانىس جانە اەروعارىش ونەركاسىبى ءمينيسترى بەيبىت اتامقۇلوۆتى قابىلدادى، دەپ حابارلايدى اقوردانىڭ باسپا ءسوز قىزمەتى.
كەزدەسۋدە قازاقستان پرەزيدەنتىنە مينيسترلىك تاراپىنان اتقارىلعان ۇيىمداستىرۋشىلىق ءىس- شارالاردىڭ ناتيجەلەرى جانە V حالىقارالىق «KADEX-2018» قارۋ- جاراق جانە اسكەري- تەحنيكالىق مۇلىك كورمەسىنە دايىندىق بارىسى جونىندە باياندالدى.
ب. اتامقۇلوۆتىڭ مالىمەتىنە سايكەس، «KADEX-2018» حالىقارالىق كورمەسىنە 48 ەلدىڭ رەسمي دەلەگاتسياسى كەلەدى. كورمەدە الەمنىڭ 28 ەلىنەن 318 كومپانيا ءوز ەكسپوزيتسياسىن تانىستىراتىن بولادى.
سونىمەن قاتار، قورعانىس جانە اەروعارىش ونەركاسىبى ءمينيسترى ەلباسىعا قورعانىس ونەركاسىبى مەن مەملەكەتتىك قورعانىس تاپسىرىسى سالاسىنداعى ستراتەگيالىق جانە نورماتيۆتىك قۇقىقتىق قۇجاتتاردىڭ ازىرلەنۋ بارىسى تۋرالى مالىمدەدى.
كەزدەسۋ سوڭىندا نۇرسۇلتان نازاربايەۆ ءبىرقاتار ناقتى تاپسىرما بەردى.