استاناداعى داۋىلدان پيراميدانىڭ اينەكتەرى قيرادى

استانا. قازاقپارات - استانادا بولعان قاتتى داۋىل مەن بۇرشاقتى نوسەردەن بەيبىتشىلىك جانە كەلىسىم سارايىنىڭ اينەكتەرى قيرادى، دەپ حابارلايدى قازاقپارات ءتىلشىسى ق ر ءى ءى م توتەنشە جاعدايلار كوميتەتىنە سىلتەمە جاساپ.

«ازىرگە قاتتى داۋىلدان مۇنارالىق كراننىڭ قۇلاعانى بەلگىلى. پيراميدانىڭ (بەيبىتشىلىك جانە كەلىسىم سارايى - رەد.) ۆيتراجدى اينەكتەرىنە زاقىم كەلدى. تاعى دا اقپارات كەلىپ تۇسسە، سىزدەرگە حابارلايمىز»، - دەدى كوميتەتتىڭ رەسمي وكىلى رۋسلان يمانقۇلوۆ.

كۋاگەرلەردىڭ حابارلاۋىنشا، مۇنارالىق كران الماتى- تۇركىستان كوشەلەرىنىڭ قيىلىسىنداعى قۇرىلىس اۋماعىندا قۇلاعان.

ايتا كەتەيىك، استانادا قاتتى داۋىل سوعىپ، بۇرشاق ارالاس نوسەر جاۋدى. سالدارىنان قالاداعى ءبىرقاتار نىساندارعا زاقىم كەلدى.

 بۇعان دەيىن، قازگيدرومەت قازاقستاننىڭ باسىم بولىگىندە جاۋىن جاۋاتىنىن ەسكەرتكەن ەدى.