ۇ ب ت: ۇكىمەت باسشىسى مينيسترلەر مەن اكىمدەرگە تاپسىرما بەردى

استانا. قازاقپارات - بۇگىن ۇكىمەتتىڭ سەلەكتورلىق رەجىمدەگى وتىرىسىندا پرەمەر-مينيستر باقىتجان ساعىنتايەۆ مينيسترلەر مەن وبلىس اكىمدەرىنە ۇلتتىق ءبىرىڭعاي تەستىلەۋدى ءوز دەڭگەيىندە وتكىزۋدى تاپسىردى، دەپ حابارلايدى قازاقپارات ءتىلشىسى.

«بۇل (ۇ ب ت- اۆت.) بارلىق ۋاقىتتا دا الەۋمەتتىك جاعىنان وتە سەزىمتال ماسەلە. سوندىقتان ەرلان كەنجەعالي ۇلى (ءبىلىم جانە عىلىم ءمينيسترى ساعاديەۆ - اۆت.)، اكىمدەرمەن بىرگە بارلىق ىقتيمال تاۋەكەلدەردى ەسكەرە وتىرىپ، تالداۋ جۇرگىزۋدى جانە ۇلتتىق ءبىرىڭعاي تەستىلەۋدى ءتيىستى دەڭگەيدە وتكىزۋدى تاپسىرامىن»، - دەدى ەرلان ساعاديەۆ.

سونىمەن قاتار پرەمەر- مينيستر ىشكى ىستەر، دەنساۋلىق ساقتاۋ مينيسترلىكتەرى مەن ۇلتتىق قاۋىپسىزدىك كوميتەتىنە ۇ ب ت- عا قاتىسۋشىلاردىڭ قاۋىپسىزدىگىن قامتاماسىز ەتۋ بويىنشا تۇبەگەيلى شارالار قابىلداۋى قاجەتتىگىن ەسكەرتتى.

«اكىمدەر مەكتەپتەردە ءبىتىرۋ ەمتيحاندارىن ۇيىمداستىرۋ جانە ۇبت وتكىزۋ ماسەلەلەرىن جەكە باقىلاۋعا الاتىن بولسىن. ەربولات اسكەربەك ۇلى باقىلاۋ سىزگە جۇكتەلەدى»، - دەدى ۇكىمەت باسشىسى ورىنباسارى دوسايەۆقا قاراتا.

ايتا كەتەيىك، وتىرىستا اتالعان ماسەلە بويىنشا نەگىزگى بايانداما جاساعان ءبىلىم جانە عىلىم ءمينيسترى ەرلان ساعاديەۆ ۇلتتىق ءبىرىڭعاي تەستىلەۋ 20 -ماۋسىم مەن 1 -شىلدە ارالىعىندا وتەتىندىگىن ايتتى.

سونىمەن قاتار ونىڭ سوزىنە قاراعاندا، مەكتەپ بىتىرۋشىلەردىڭ جاعدايىن جەڭىلدەتەتىن ءبىرقاتار جاڭالىق ەنگىزىلمەك.

 

فوتو:ibirzha.kz