مەكتەپ بىتىرۋشىلەردىڭ جاعدايىن جەڭىلدەتەتىن ءبىرقاتار جاڭالىق ەنگىزىلدى

استانا. قازاقپارات - مەكتەپ بىتىرۋشىلەردىڭ جاعدايىن جەڭىلدەتەتىن ءبىرقاتار جاڭالىق ەنگىزىلدى.

بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ءبىلىم جانە عىلىم ءمينيسترى ەرلان ساعاديەۆ ايتتى، دەپ حابارلايدى قازاقپارات ءتىلشىسى.

«بىتىرۋشىلەرگە ارنالعان جاعدايدى جەتىلدىرۋ ماقساتىندا اعىمداعى جىلى كەلەسى جاڭالىقتار ەنگىزىلۋدە. ءبىرىنشى، ءار تۇلەككە ۋنيۆەرسيتەتكە قۇجات تاپسىرار الدىندا بەرىلەتىن ۇ ب ت سەرتيفيكاتىندا بالالار تاپسىرعان پاندەرىنە سايكەس ماماندىقتار ءتىزىمى، ءار ماماندىققا بولىنگەن گرانتتاردىڭ سانى جانە وتكەن جىلعى گرانتتار كونكۋرسىنىڭ ناتيجەلەرى، ياعني ءار ماماندىققا بىلتىرعى جىلى قانداي بالمەن وتكەنى تۋرالى اقپارات جازىلادى. بۇل بىتىرۋشىگە ۇ ب ت- دا جيناعان بالىن ەسكەرە وتىرىپ، ماماندىقتى دۇرىس تاڭداۋعا مۇمكىندىك بەرەدى»، - دەدى ەرلان ساعاديەۆ.

ونىڭ ايتۋىنشا، ەكىنشىدەن ءبىتىرۋشى ۇ ب ت- عا دالەلدى سەبەپپەن قاتىسا الماعان جاعدايدا وعان كەلەسى توپپەن تاپسىرۋ مۇمكىندىگى بەرىلەدى. ۇشىنشىدەن، ەرەكشە ءبىلىم بەرۋ قاجەتتىلىگى بار بالالار ءۇشىن جەكە كومەكشى، سونىمەن قاتار سۋردوادارماشى مامانىمەن قامتاماسىز ەتىلەدى. تورتىنشىدەن، ۇبت- عا ارنالعان قازاقستان بويىنشا تەگىن تەلەفون سوعۋعا بولاتىن ءبىرىڭعاي Call-ورتالىق ىسكە قوسىلادى.

«اعىمداعى جىلدان باستاپ «التىن بەلگىگە» يە بولعان تۇلەكتەر ءبىلىم بەرۋ گرانتتارىن تاعايىنداۋ كەزىندە بالدارى تەڭ بولعان جاعدايدا عانا باسىمدىق الا الادى. بۇل زاڭ پارلامەنتتە قولداۋ تاپتى جانە اتالعان زاڭعا ەلباسى قول قويدى. اعىمداعى جىلدىڭ تامىزى جانە كەلەسى جىلدىڭ قاڭتار ايلارىندا ج و و- لاردىڭ اقىلى بولىمىنە ءتۇسۋ مۇمكىندىگى ساقتالعان. وسى نورمانىڭ ارقاسىندا بىلتىر 30 مىڭ جاس جوعارى وقۋ ورنىندا ءبىلىم الۋ قۇقىعىن قول جەتكىزدى»، - دەدى مينيستر.