مەكتەپ تۇلەگى ۇلتتىق ج و و-عا ءتۇسۋ ءۇشىن قانشا بالل جيناۋى كەرەك
بۇل تۋرالى بۇگىن ۇكىمەتتىڭ سەلەكتورلىق رەجيمدەگى وتىرىسىندا ءبىلىم جانە عىلىم ءمينيسترى ەرلان ساعاديەۆ ايتتى، دەپ حابارلايدى قازاقپارات ءتىلشىسى.
«وسى جىلى ۇ ب ت 15-رەت وتكىزىلەدى. 15 جىلدىڭ ىشىندە ۇ ب ت- عا 1,5 ميلليوننان استام مەكتەپ ءبىتىرۋشى قاتىستى. بۇل بارلىق مەكتەپ بىتىرۋشىلەردىڭ 80 پايىزىن قۇرايدى. 2017 -جىلعا دەيىن ۇ ب ت ءۇش قىزمەتتى اتقاردى. ءبىرىنشى، 11 جىلدىق وقۋدى انىقتايتىن قورىتىندى رەتىندە ءبىتىرۋ ەمتيحانى، ەكىنشى ج و و- لارعا ءتۇسۋ ەمتيحانى ءۇشىنشى بىتىرۋشىلەرگە مەملەكەتتىك گرانتتاردى تاعايىنداۋ تەتىگى. وزدەرىڭىز بىلەتىندەي، تەستىلەۋدىڭ بۇل فورماتى 2017 -جىلى وزگەردى. ەندى قورىتىندى اتتەستاتتاۋ نەمەسە ءبىتىرۋ ەمتيحاندارى مەكتەپتە وتكىزىلەدى. ال ۇ ب ت ج و و- لارعا ءتۇسۋ جانە مەملەكەتتىك گرانتتاردى تاعايىنداۋ ەمتيحانى بولىپ قالىپ تۇر»، - دەدى ول.
ونىڭ ايتۋىنشا، مەكتەپتەگى ءبىتىرۋ ەمتيحانى 29 -مامىر مەن 9 -ماۋسىم ارالىعىندا وتكىزىلەدى. ەمتيحان 5 ءپان، ونىڭ ىشىندە 4 مىندەتتى جانە مەكتەپتەگى وقىتۋ بەيىنى بويىنشا ءبىر تاڭداۋ پانىنەن وتكىزىلەدى. بارلىق ەمتيحاندار اۋىزشا، جازباشا جانە تەستىلەۋ تۇرلەرىنە بولىنگەن.
«ءبىتىرۋ ەمتيحاندارىنىڭ ماتەريالدارىن ۇلتتىق تەستىلەۋ ورتالىعى دايىندادى جانە ارنايى بايلانىس جەلىسى ارقىلى بارلىق وبلىستارعا اعىمداعى جىلعى 25 -مامىرعا دەيىن جەتكىزىلەدى»، - دەدى مينيستر.
ەرلان ساعاديەۆتىڭ ايتۋىنشا، 2018 -جىلعى ۇ ب ت فورماتى وزگەرمەگەن. ياعني، بىلتىرعى جىلعى فورماتقا سايكەس.
«ۇ ب ت- نى ءوتۋ مەرزىمى جانە بەرىلەتىن تەست سۇراقتارىنىڭ سانى وزگەرگەن جوق. ۇ ب ت 20 -ماۋسىم مەن 1 -شىلدە ارالىعىندا 187 ۇ ب ت وتكىزۋ پۋنكتەرىندە وتكىزىلەدى. بارلىق تەست سۇراقتارىنىڭ سانى - 120، ەڭ جوعارى بالل - 140، شەكتى بالل - 50. ۇلتتىق جوعارى وقۋ ورىندارىنا ءتۇسۋ ءۇشىن 65 بالل جيناۋ قاجەت. بۇگىنگى كۇنگە بارلىق ۇ ب ت پاندەرى بويىنشا تەست سۇراقتارىنىڭ بازاسى قالىپتاسقان. وسى جىلى تەست سۇراقتارىنىڭ بازاسى 50 پايىزعا جاڭارتىلدى. تەست سۇراقتارى فۋنكسيونالدىق ساۋاتتىلىققا، ياعني، ارى قاراي وقۋعا قابىلەتىن، لوگيكالىق ويلاۋ دەڭگەيىن، بازالىق تۇسىنىكتەرىن انىقتاۋعا بەيىمدەلگەن»، - دەدى ەرلان ساعاديەۆ.
فوتو: mod.gov.kz