ەلىمىزدە «مەنىمەن قازاقشا سويلەس» اكسياسى باستالدى
«شاراعا پارتيا باستاماشى بولۋدا. 21 -مامىردان باستاپ اكسيا تۋرالى الەۋمەتتىك جەلىلەر ارقىلى جاريالادىق»، - دەدى پارتيانىڭ ورتالىق اپپاراتى باسپا ءسوز قىزمەتىنىڭ باسشىسى ءاليا بوريەۆا قازاقپارات تىلشىسىنە.
پارتيانىڭ الەۋمەتتىك جەلىلەردەگى پاراقشاسىندا رۋحاني جاڭعىرۋ مەملەكەتتىك ءتىل مارتەبەسىنەن باستالۋى كەرەكتىگى جازىلعان. مەملەكەتتىك ءتىلدىڭ مارتەبەسىن كوتەرىپ، ناسيحاتتاۋ جانە قولدانىس اياسىن كەڭەيتۋ بارىمىزگە ورتاق مىندەت.
«بۇگىننەن باستاپ كۇندەلىكتى ومىردە وتباسىمىزدا ءبىر-بىرىمىزبەن، بالالارىمىزبەن، اينالامىزداعى جاندارمەن مۇمكىندىگىنشە قازاقشا سويلەسۋگە تىرىسايىق. جۇمىسىمىزدا، قوعامدىق ورىنداردا، كولىكتەردە قازاق ءتىلىن كەڭىنەن پايدالانايىق. وزگەلەردىڭ قازاق تىلىنە مويىن بۇرۋىنا، قازاقشاسىن جەتىلدىرۋگە ىقپال ەتەيىك»، - دەلىنگەن ۇندەۋدە.
سونىمەن قاتار «نۇر وتان» پارتياسى وزگە ۇلت وكىلدەرىنىڭ قازاق ءتىلىن مەڭگەرۋىنە جاعداي تۋدىرىپ، كومەك بەرۋگە شاقىرىپ وتىر.