قازاقستان باتىپ كەتكەن كەمەلەردى جويۋ كونۆەنسياسىنا قوسىلۋعا نيەتتى
«بۇل شارالار كاسپي تەڭىزىنىڭ قازاقستاندىق سەكتورىندا باتىپ كەتكەن شەتەل كەمەلەرىن شىعارۋ ماسەلەسىن شەشۋگە مۇمكىندىك بەرەدى. قازىرگى ۋاقىتتا وسىنداي ەكى كەمە بار».
ق ر ءۇشىن بۇل كونۆەنسيا كاسپيدە، سونىڭ ىشىندە ەرەكشە ەكونوميكالىق ايماقتا باتىپ كەتكەن كەمەلەردى جويۋ جونىندەگى ماسەلەلەردى باسقا ەلدەرمەن رەتتەۋگە نەگىز بولادى.
كونۆەنتسيانى راتيفيكاتسيالاۋ:
- باتىپ كەتكەن نەمەسە قايراڭعا تۇرىپ قالعان كەمە مەن ونىڭ بولشەكتەرىن جانە جۇكتەردى ۋاقىتىلى جويۋ ءۇشىن كەمە يەسىنىڭ جاۋاپكەرشىلىگىن قارجىلىق قامتاماسىز ەتۋدى بەكىتۋ؛
- باتىپ كەتكەن كەمەلەردى جويۋ ءۇشىن جاۋاپكەرشىلىكتى ساقتاندىرۋ نەمەسە باسقا قارجىلىق قامتاماسىز ەتۋلەر جونىندەگى كۋالىكتىڭ كەمە بورتىندا بولۋ قاجەتتىلىگىن بەكىتۋ؛
- ساقتاندىرۋ كومپانياسىنان تىكەلەي شىعىنداردى وتەۋ تالاپتارىن قويۋ قۇقىعىن قازاقستانعا بەرۋ.
«كوميتەت مۇددەلى مەملەكەتتىك ورگاندارمەن كونۆەنسيانى راتيفيكاتسيالاۋدىڭ ماقساتقا سايكەستىگىن كەلىسۋدە. عىلىمي- قۇقىقتىق ەكسپەرتيزانىڭ وڭ قورىتىندىسى الىندى. قازىرگى ۋاقىتتا ق ر زاڭناما ينستيتۋتى عىلىمي-لينگۆيستيكالىق ساراپتاما جۇرگىزىپ جاتىر»، - دەلىنگەن مينيسترلىك حابارلاماسىندا.
