كەپكەن جەمىستەردىڭ پايداسى

استانا. قازاقپارات - سالاۋاتتى، ساۋلىقتى ءومىر ءسۇرۋ سالتىنىڭ سيمۆولى رەتىندە بەلگىلى كەپكەن جەمىستەر دە اۋرۋلارعا توسقاۋىل بولىپ تابىلادى.

اسىرەسە دارۋمەندەردىڭ تاپشى بولاتىن قىس ايلارىندا بۇل ازىق تۇرلەرىنىڭ ورنى ەرەكشە. دەنساۋلىققا پايدالى جۇمساق ەتىنىڭ قۇنارلىعى كەپتىرىلگەن جەمىستەردە كوبىرەك ەكەندىگىن مالىمدەگەن ماماندار بۇل ازىق تۇرلەرىنىڭ مىندەتتى تۇردە كۇندەلىكتى اس مازىرىنە قوسىلۋى كەرەكتىگىن مالىمدەۋدە. قاتەرلى ىسىكتەن باستاپ، قان قىسىمى، قان ازدىعى، كوز اۋرۋلارىنا دەيىن جاقسى اسەر ەتەتىن قۇرعاق جەمىستەردىڭ قىسقاشا پايدالارى:

كەپكەن ورىك (كۋراگا): اس قورىتۋ جۇيەسىنە پايدالى. سترەستىڭ جانە قان ازدىعىنىڭ الدىن الادى. قۇرامىنداعى A دارۋمەنى تەرىدەگى اقاۋلاردىڭ ەمىنە وڭ اسەرىن بەرەدى. كۇنىنە 5 دانا كەپكەن ورىك جەۋ قۇرامىنداعى كالي ارقىلى جۇرەك بۇلشىق ەتتەرى مەن نەرۆتەرىنىڭ جەتىلۋىندە ماڭىزى زور.

كەپكەن ءجۇزىم: ەنەرگيا كوزى. قاقىرىق تۇسىرگىش قاسيەتىنە بايلانىستى تىنىس جولدارى اۋرۋلارىنا قارسى پايدالى. كۇنىنە 10 داناسىن جەۋ ارقىلى قان قىسىمىنىڭ تومەندەۋىنە اسەرى بار. سۋىقتاۋعا قارسى دا يممۋنيتەتتى كۇشەيتەدى.

كەپكەن الما: تىنىس تارىلۋى، استما، جۇرەك مازاسىزدىعىنا قارسى جاقسى اسەر ەتەدى. قۇرامىنداعى تالشىقتى ەرەكشەلىگىمەن ىشەكتەردى تازالايدى. كوزدى شارشاتاتىن ىسكەرلەرگە كۇنىنە ءبىر ۋىس كەپكەن الما جەۋ پايدالى.

كەپكەن قۇرما: انتيوكسيدانت قاسيەتىمەن يممۋنيتەت جۇيەسىن كۇشەيتەدى، قاتەرلى ىسىككە قارسى قورعان رەتىندە اسەرلى. تەرى اسەمدىگى مەن ساۋلىعى تۇرعىسىنان پايدالى. اسقورىتۋ قيىندىعى بارلارعا جاقسى اسەر ەتەدى. 1B، 2B دارۋمەندەرى ارقىلى جۇيكە جۇيەسىنە قورعان. مي فۋنكتسيالارىن رەتتەيدى.

كەپكەن قارا ورىك: مول مولشەردە 1B, 2B, 3B, 6B, A, C جانە ە دارۋمەندەرىن قامتيدى. قاتەرلى ىسىككە جانە قارتايۋعا قارسى قورعاۋشى اسەرى بار. قۇرامىنداعى كالي جانە ماگني ارقىلى باۋىر، جۇرەك، بۇيرەك جانە ريەۆماتيزم اۋرۋلارىنا قارسى پايدالى.

كەپكەن ءىنجىر: تالشىق مولشەرى وتە جوعارى بولعاندىقتان سالماق تاستاۋدا پايدالى. امينقىشقىلدار تۇرعىسىنان قانىق. وسى ارقىلى جاسۋشا قالىپتاسۋىندا، دەنەنىڭ جاڭالانۋىندا بەلسەندى ءرولى بار.

 دەرەككوزى: "كەرەك كەڭەس" توپتاماسىنان