اتىراۋدا ليفت شاحتاسىنا قۇلاعان ەكىنشى جاس ءوسپىرىم دە كوز جۇمدى

اتىراۋ. قازاقپارات - اتىراۋدا ليفتىگە قۇلاپ، جەرگىلىكتى وبلىستىق اۋرۋحانانىڭ جانساقتاۋ بولىمىندە جاتقان جاس ءوسپىرىم دە كوز جۇمدى، دەپ حابارلايدى قازاقپارات.

«21 -مامىر كۇنى ساعات 23.30 دا الماگۇل شاعىن اۋدانىندا №19 -ءۇيدىڭ 15- قاباتتان ابايسىزدا جۇك تاسىمالدايتىن ليفتىنىڭ شاحتاسىنا قۇلاعان 14 جاستاعى جەتكىنشەك مەرت بولدى. تاعى ءبىر جاس ءوسپىرىم وبلىستىق اۋرۋحانانىڭ جانساقتاۋ بولىمىنە ءتۇستى. ساعات 01.08 دە ول دا قازا بولدى»، - دەپ حابارلادى ءوڭىردىڭ توتەنشە جاعدايلار دەپارتامەنتى.

سونىمەن قاتار حابارلامادا جۇك تاسىمالدايتىن ليفتتىڭ جۇمىس ىستەمەي تۇرعاندىعى ايتىلادى. وسى كەزدە تەكسەرۋ جۇمىستارى ءجۇرىپ جاتىر.