پومپەو: ا ق ش يرانعا قارجىلىق قىسىم جاسايدى

استانا. قازاقپارات - 21 - مامىردا ۆاشينگتوندا ا ق ش- تىڭ يرانعا قاتىستى جاڭا ستراتەگياسى تۋرالى وتكەن جيىندا مەملەكەتتىك حاتشى مايك پومپەو يراننىڭ اگرەسسياسىن باسۋ ءۇشىن پەنتاگونمەن جانە وداقتاستارىمەن جۇمىس ىستەيتىنىن ايتتى.

 پومپەو «يرانعا بۇرىن- سوڭدى بولماعان قارجىلىق قىسىم كورسەتەمىز» دەدى.

پومپەونىڭ سوزىنشە، يرانعا قارسى سانكسيالاردى جەڭىلدەتۋ ءۇشىن تەگەران يادرولىق ساياساتىن وزگەرتۋى قاجەت. مەملەكەتتىك حاتشى «ا ق ش يرانعا قاتىستى جاڭا قادامدارعا اشىق» ەكەنىن دە ايتتى.

ا ق ش يران سيريادان اسكەرىن شىعارۋدى دا تالاپ ەتەدى. پومپەو «ۆاشينگتون يران تۇتقىندا ۇستاپ وتىرعان ا ق ش ازاماتتارىن ەلگە قايتارۋ ءۇشىن ءبارىن جاسايدى» دەدى.

8 - مامىردا ا ق ش پرەزيدەنتى دونالد ترامپ ارنايى مالىمدەمە جاساپ، ۆاشينگتون يران كەلىسىمىنەن شىعاتىنىن مالىمدەگەن.

www.azattyq.org