قازاقستان فەرروقورىتپانىڭ رەكوردتى كولەمىن ءوندىردى

استانا. قازاقپارات - جوعارى كومىرتەكتى فەرروحرومنىڭ الەمدەگى ءىرى ءوندىرۋشىسى «قازحروم» ترانسۇلتتىق كومپانياسى» ا  ق حروم رۋداسى مەن فەرروقورىتپانىڭ رەكوردتى كولەمىن ءوندىردى،

 دەپ حابارلايدى قازاقپارات كومپانيانىڭ باسپا ءسوز قىزمەتىنە سىلتەمە جاساپ.

«2017 -جىلدىڭ جەتىستىكتەرى تاڭ قالارلىق - ءبىز حروم رۋداسى مەن فەرروقورىتپانىڭ رەكوردتى كولەمىن وندىردىك. «قازحروم» الەم بويىنشا ءىرى فەرروحروم وندىرۋشىلەرىنىڭ ءبىرى جانە جوعارى ساپالى حروم رۋداسىنىڭ مول قورىنا يە. بۇل فەرروحرومعا دەگەن الەمدىك سۇرانىستى قامتاماسىز ەتۋگە مۇمكىندىك بەرەدى»، - دەدى قۇرامىنا «قازحروم» كىرەتىن «ەۋرازيالىق توپ» ج ش س باسقارما ءتوراعاسى سەرىك شاحاجانوۆ.

2017 -جىلى «قازحروم» شامامەن 5,6 تريلليون حروم رۋداسىن (وتكەن جىلمەن سالىستىرعاندا 15 پايىزعا كوبىرەك) وندىرگەن جانە 1,6 ميلليون توننادان استام فەرروقورىتپا (8 پايىز كوبىرەك) دايىنداعان.

كومپانيانىڭ 2017 -جىلعى الەۋمەتتىك ينۆەستيتسيالارىنىڭ كولەمى 57 ميلليون ا ق ش دوللارىنان اسقان. بۇل كورسەتكىش 2016 -جىلعىمەن سالىستىرعاندا % 80 كوپ.

اۆتور: ايجان سەرىكجان قىزى