الەمدەگى ەڭ داۋلى ۇرلىق وقيعالارى

استانا. قازاقپارات - ۇرلانعان بايلىقتار مەن ونىڭ اينالاسىنداعى داۋ- دامايمەن كوپتەگەن قىلمىسكەرلەر تاريحتا قالدى.

«اتىڭ شىقپاسا جەر ورتە» دەيدى. بىرىنە ادام سەنگىسىز اقشالاردى قامىردان قىل سۋىرعانداي ءمىنسىز ەتىپ ۇرلاۋدىڭ ءساتى تۇسسە، ەندى ءبىرى ءوزىنىڭ كۇلكىلى ارەكەتتەرىمەن ماسقارا جاعدايدا ۇستالىپ جاتتى. تومەندە وسى سىندى قىزىقتى مالىمەتتەردىڭ بىرنەشەۋىن نازارلارىڭىزعا ۇسىنامىز.
انىق دالەلدەر جانە قۇجاتتار ساقتالىپ قالعان ءھام تولىق اشىلعان العاشقى ۇلكەن ۇرلىق رەتىندە 1831 -جىلدىڭ 19 - ناۋرىزىندا نيۋ يوركتەگى «City Bank» - تەن ۇرلانعان 245 مىڭ دوللاردى ايتۋعا بولادى. قازىرگى كۇندە ونشا كوپ ەمەستەي كورىنەتىن بۇل قارجى، سول داۋىردە وتە كوپ اقشا سانالاتىن.
سەبەبى، ا ق ش- تىقتاردىڭ ورتاشا ايلىعى سول كەزدە 30-40 دوللار ەدى. كوپ ۋاقىت وتپەي قىلمىسكەر ۇستالدى. اقشانىڭ كوپ بولىگى بانككە قايتارىلعان. ال قىلمىسكەر - اعىلشىندىق ەدۆارد سميت تەمىر توردىڭ ارعى بەتىندە 5 جىلىن وتكىزۋگە ءماجبۇر بولدى.
1963 -جىلعى ۇرلىق ءتىپتى قىزىق. ول ۋاقىتتا اقشا ەمەس، التىن ەمەس پويىزدىڭ ءبۇتىن 2 ۆاگونى ۇرلانعان. ال پويىز انگلياداعى كارولدىككە ءتيىستى ەكەندىگىن بىلگەندە مۇقىم انگليا پوليسياسى مەن قىلمىستىق ىزدەستىرۋ ءبولىمى اياعىنان تىك تۇردى. ۆاگونداعى قىمبات بۇيىمدار ارتىلعان جۇكتى ۇرلاپ كەتۋ ءۇشىن ۇرىلار قاراپايىم ءادىس قولدانعان.
پويىز جولىنداعى باعدارشامنىڭ قىزىل ءتۇسىن جاعىپ قويعان. پويىز توقتاي سالا 15 ادام وعان كىرىپ، 20 مينۋتتا قىمبات بۇيىمدار بار 2 ۆاگوندى پويىزدان ءبولىپ الىپ، قاۋىپسىز جەرگە اپارىپ ىشىندەگى 2,6 ميلليون فۋنت ستەرلينگكە، قازىرگى باعاممەن 60 ميلليون دوللارعا تەڭ زاتتاردى الىپ كەتكەن.
تەز ارادا قىلمىسكەرلەر تۇتقىندالدى. ءبىراق، قىلمىستىق توپتىڭ باسشىسى رونني بيگگز ۇستالماي قاشىپ كەتەدى. ارادان 36 جىل وتكەسىن عانا ول ءبارىبىر ۇستالىپ انگلياعا جاۋاپقا تارتىلۋ ءۇشىن قايتارىلعان.
1990 -جىلى ا ق ش- تاعى ءىرى مۋزەيلەردىڭ بىرىنەن قىمبات كارتينالاردىڭ بىرنەشەۋى ۇرلانادى. بۇل جولى دا قىلمىسكەرلەر قاراپايىم ءادىس قولدانعان. ولار پوليتسيا كيىمىمەن مۋزەيگە كەلىپ، مۋزەيدەگىلەرگە دابىل قۇرالىن تەكسەرىپ كورۋ كەرەك ەكەندىكتەرىن ايتقان. ناتيجەسىندە ولار مۋزەيدەن الەم ونەرىنىڭ جاۋھارلارىنا جاتاتىن سۋرەتتەردىڭ بىرنەشەۋىن ۇرلاعان. ولاردىڭ ىشىندە رەمبراندت، مونە، دەگا سىندى سۋرەتشىلەردىڭ قايتالانباس تۋىندىلارى - جالپى كولەمى 300 ميلليون دوللار بولاتىن سۋرەتتەر دە بار ەدى. قىلمىس بۇگىنگى كۇنگە دەيىن جۇمباق كۇيىندە اشىلماي قالىپ وتىر.
2008 -جىلدىڭ 10- اقپانىندا دا جوعارىداعى جاعدايعا ۇقساس ۇرلىق ورىن العان. سيۋريحتە تۇراتىن ەميل بيۋرلەنىڭ جەكە كوللەكتسياسىنان ۆان گوگ، سەزانن سىندى سۋرەتشىلەردىڭ 165 ميلليون دوللارلىق سۋرەتتەرى ۇرلانىپ كەتكەن. نەگىزگى مالىمەتتەر ءۇشىن 100 مىڭ فرانك بەرىلۋى ايتىلدى. ارادان 2 كۇن ءوتىپ جىندىحانا قاسىنداعى كولىكتەن سۋرەتتەردىڭ كەيبىرى تابىلدى. ءبىراق ولاردىڭ ەكەۋى ءالى تابىلماي وتىر.
2009 -جىلدىڭ 25 - ماۋسىمىندا رەسەيدىڭ پەرم قالاسىنان بانكتىڭ ارنايى كولىگى - ينكاسساتوردان 250 ميلليون رۋبل (شامامەن 10 ميلليون دوللار) ۇرلانعان. كوپ وتپەي ۇرى الەكساندر شۋرمان ەكەندىگى انىقتالىپ، ول ورمانعا كومىپ قويعان اقشا دا تابىلدى. ءبىراق اقشانىڭ 1,5 ميلليونىن جومارت شۋرمان تۋىستارىنا تاراتىپ جىبەرگەن. سوتتا وعان 8 جىل جازاسىن وتەۋ ۇكىم ەتىلدى. قىزىعى سول، اقشا يەسى سانالاتىن بانك سوتتان اقشا شۋرماندا تۇرعان ۋاقىت ءۇشىن پايىز ءوندىرۋدى تالاپ ەتكەن.

كۇلكىلى قىلمىستار • ا ق ش- تا ءبىر جىگىت قالتاسىن وڭايلىقپەن تولتىرعىسى كەلىپ جانارماي بەكەتىنە كىرىپ بارىپ، بارلىق اقشانى بەرۋدى تالاپ ەتە باستاعان. ءبىراق جانارماي قىزمەتكەرلەرىنىڭ ەكەۋى وعان قارسىلىق كورسەتە باستاعان. ناتيجەسىندە قىلمىسكەر قورىققانىنان پوليتسياعا حابارلاسقان.

• 2008 -جىلى امەريكالىق پوليتسەيلەر ءبىراز ۋاقىتقا دەيىن ءبىر ۇرىنى ۇستاي الماي جۇرەدى. ۇرى قاراپايىم جولمەن زەرگەرلىك دۇكەندەرىنىڭ تەرەزەسىن كىرپىشپەن سىندىرىپ توناپ كەتىپ وتىرعان. كەزەكتى وسىنداي قىلمىستىڭ بىرىندە دۇكەن تەرەزەسى سوققىعا شىدامدى بولىپ، ۇرىنىڭ لاقتىرعان كىرپىشى قايتىپ كەپ ءوز باسىنا تيگەن. سوققىنىڭ سالدارىنان قىلمىسكەر 2 ساعات ورنىنان تۇرا الماي جاتقان. وسى ۋاقىت ارالىعى پوليتسيانىڭ كەلىپ، ونى تۇتقىنداۋىنا جەتكىلىكتى بولدى.

Massaget.kz