قازاقستاندا ارزانداتىلعان باعامەن تۋريستىك ۇشاقتار قاتىناي باستايدى

استانا. قازاقپارات - قازاقستاندا تۋريستىك ماۋسىمدا باعاسى سۋبسيديالانعان بىرنەشە ىشكى اۋە رەيسى جۇمىسىن باستايدى، دەپ حابارلايدى قازاقپارات ءتىلشىسى ازاماتتىق اۆياتسيا كوميتەتىنە سىلتەمە جاساپ.

بەلگىلى بولعانداي، ىشكى تۋريزمدى دامىتۋ ءۇشىن قازاقستاندا بيىل دا ءبىرقاتار ىشكى باعدارلار بويىنشا اۋە رەيستەرى جۇمىسىن باستايدى. ناقتىراق ايتقاندا، جازعى ۋاقىتتا استانا مەن الماتى قالاسىنان بالقاشقا، ءۇشارالعا، ءۇرجارعا تۇراقتى ۇشاقتار ۇشىپ تۇراتىن بولدى.

 اتاپ ايتقاندا، «يۋجنوە نەبو» اۋە كومپانياسى استانا - بالقاش باعدارىندا ۇشاق ۇشىرماق. 29 - مامىردان باستالاتىن رەيس بويىنشا بيلەت باعاسى 9 مىڭ تەڭگە. ءدال سول كومپانيا الماتى - بالقاش باعىتىندا ۇشاق ۇشىرىپ، بيلەت باعاسىن 14 مىڭ تەڭگەمەن بەلگىلەپ وتىر (15 - مامىردان باستاپ). سونىمەن قاتار، «يۋجنوە نەبو» استانا - ءۇرجار (شىعىس قازاقستان جاقتان) باعىتىندا (بيلەت 19500 تەڭگە) جانە الماتى - ءۇرجار (بيلەت 16000 تەڭگە) تاعى ەكى اۋە رەيسىن ىسكە قوستى (ەكەۋى دە 16 - مامىردان باستالدى).

ال «جەتىسۋ» اۋە كومپانياسى الاكولگە الماتى وبلىسى جاقتان استانا - ءۇشارال (1 - ماۋسىمنان باستاپ، بيلەت 16000 تەڭگە) رەيسىن ىسكە قوسپاق.

سونداي- اق 27 - مامىردان باستاپ «Scat» اۋە كومپانياسى الماتى - ءۇشارال باعىتىندا بيلەت باعاسى 9 مىڭ تەڭگەلىك تۇراقتى رەيس اشپاق.

رەيستەردىڭ ناقتى ۋاقىتىن ءبىلۋ ءۇشىن اۋەجايلارعا نەمەسە اۋە كومپانيالارىنا حابارلاسۋ قاجەت.

اۆتور: ايان بەكەن ۇلى