مۋزىكانتتاردىڭ ميى جاقسى ىستەيدى. نەگە؟

None
None
 استانا. قازاقپارات - ساراپشىلاردىڭ باعالاۋىنا قاراعاندا، كاسىبي مۋزىكانتتاردىڭ ميى باسقا ماماندىق يەلەرىنە قاراعاندا وتە جاقسى جۇمىس ىستەيدى ەكەن.

كانادانىڭ عالىمدارى وسىنداي ۇيعارىمعا كەلگەن. ال مۇنىڭ سەبەبى نەدە؟

 زەرتتەۋشىلەر ميداعى نەيروندىق بايلانىستاردى زەرتتەۋ ارقىلى مىنانداي قورىتىندى جاساعان: ميداعى سازدى اۋەن ولاردىڭ ەستە ساقتاۋ قابەلەتىن ۇنەمى دامىتىپ وتىرادى. تۇراقتى تۇردە رەپيتيتسيا جاساپ وتىراتىن مۋزىكا ماماندارى اقپاراتتى كوپ قابىلداپ، ونى جۇيەلى تۇردە ميدا وڭدەپ وتىرادى ەكەن. سونىمەن قاتار عالىمدار ەكى نەمەسە ءۇش تىلدە سويلەيتىن ادامداردىڭ دا ميى وتە بەلسەندى ەكەنىن ايتقان. ادام سويلەپ تۇرىپ، ەكىنشى تىلگە اۋىسقاندا ميدىڭ جۇمىس ىستەۋ قابەلەتى ارتىپ كەتەتىن كورىنەدى.

 ساراپشىلار اتاپ كورسەتكەندەي، ميدى بەلسەندى جۇمىس ىستەتۋ ادامنىڭ وزىنە بايلانىستى. ول ءۇشىن ماماندار ۇسىنعان ارنايى جاتتىعۋلاردى ءجيى جاساپ تۇرۋ كەرەك. جالپى، ادامنىڭ دەل- سال كۇيدە شارشاپ ءجۇرۋىنىڭ بىرنەشە سەبەبى بار. بىرىنشىدەن، ۇيقىڭىز قانىق بولماسا، ول دا ءسىزدىڭ قالىپتى جۇمىس ىستەۋىڭىزگە كەسىرىن تيگىزەدى. كۇنى بويى شارشاڭقى كەيىپتە جۇرگەن ادام ەشۋاقىتتا سەرگەك بولا المايدى. سوندىقتان الدىمەن ۇيقىڭىزدى دۇرىس قاندىرعانىڭىز.

 قوزعالىستىڭ ازدىعى دا ءسىزدىڭ ميىڭىزدىڭ بەلسەندى جۇمىس ىستەۋىنە مۇمكىندىك بەرمەيدى. ەگەر كومپيۋتەر الدىندا كوپ وتىراتىن بولساڭىز، مىندەتتى تۇردە جاتتىعۋلار جاساپ تۇرعانىڭىز ابزال. تىم بولماسا، بەس- ون مينۋت دالىزدە ارى- بەرى جۇرگەنىڭىز ءجون، دەمەك قوزعالىس ارقىلى بويىڭىزعا قاننىڭ تاراعانى دۇرىس. ءتىپتى جۇرۋگە ەرىنسەڭىز، ورنىڭىزدا ون رەت وتىرىپ- تۇرىڭىز.

 تاعى ايتاتىن ءبىر نارسە، سۋدى كوپ ىشكەنىڭىز ابزال. ادام دەنەسىنىڭ 60 پايىزدان استامى سۋدان تۇرادى، ال ميداعى سۋدىڭ مولشەرى 80 پايىز شاماسىندا. ەگەر وتتەگى نەمەسە سۋ جەتىسپەسە، وندا باسىڭىز اينالادى، ءتىپتى ەستەن تانىپ قۇلاپ قالۋىڭىز مۇمكىن. گازدى سۋ، ءتۇرلى جەمىس سۋسىندارى، شاي مەن كوفەگە كوپ اۋەستەنۋدىڭ قاجەتى جوق. تەك تازا سۋ عانا اعزاداعى جانە ميداعى قاجەتتىلىكتى تولتىرادى. مۇمكىندىگىنشە، قولىڭىزدا سۋ تولى قۇتى ءجۇرسىن.

جالپى ميدى بەلسەندى جۇمىس ىستەتۋدىڭ مۇنان دا باسقا جولدارى بار. ول ءۇشىن وقىپ، ىزدەنۋ كەرەك.

 

بەرىك بەيسەن ۇلى

«ايقىن»

سوڭعى جاڭالىقتار