سارەسى ىشپەگەندەر قانداي نىعمەتتەن قۇر قالادى؟
سارەسىگە تۇرۋ ول - ورازا ۇستاۋشىنىڭ ەركىندە. ەگەر ورازانىڭ تالاپتارىن بۇزباسا - ورازا بۇزىلمايدى. ءبىراق سارەسىدە بەرىلەتىن نىعمەتتەردەن قۇر قالادى. سارەسى ءىشۋدىڭ پايداسى مەن ارتىقشىلىقتارى تۋرالى وتە كوپ حاديس بار.
ماسەلەن، ءابۋ ساعيد ءال- قۇدريدەن جەتكەن حاديستە ارداقتى پايعامبارىمىز (س. ع. س. ) بىلاي دەگەن: «سارەسى دەگەن تولىعىمەن بەرەكە. ونى تاستاماڭدار. تىم بولماسا قايسىبىرىڭ ءبىر جۇتىم سۋ جۇتىپ السا دا. ويتكەنى، شىن مانىندە، اللا تاعالا دا، پەرىشتەلەر دە سارەسى ىشۋشىلەرگە سالاۋات جولدايدى» (بۇل حاديس يبن حيبباننىڭ «ساحيحىندا» ، سونداي- اق يمام احمادتىڭ ء«مۇسنادىندا» كەلگەن. ) .
مۇندا سارەسىنىڭ تولىعىمەن بەرەكەدەن تۇراتىنى ايتىلادى. تاماقتان بولەك سول كەزدە اۋرانىڭ بەرەكەلى بولاتىنى مەڭزەلگەن.
ەكىنشىدەن، سارەسى ىشۋشىلەرگە اللا تاعالا مەن پەرىشتەلەر سالاۋات جولدايدى. مۇسىلمان عۇلامالارى اللانىڭ سالاۋاتى - ونىڭ راقىم- مەيىرىمى، ال پەرىشتەلەردىڭ سالاۋاتى - ولاردىڭ اللادان كەشىرىم تىلەۋى دەپ تۇسىندىرگەن.
سوندىقتان سارەسىدە ۇلى نىعمەتتەر جاتىر. اللا تاعالا مول نىعمەتتەرىنەن قۇر قالدىرماسىن.