جۇرەكتىڭ قارتايۋىن تەجەيتىن ءادىس تابىلدى
زەرتتەۋ ناتيجەسى تۋرالى ماقالا The Journal of Physiology دەپ حابارلايدى Lenta.ru عا سىلتەمە جاساپ.
زەرتتەۋگە جاسى 60 تان اسقان 102 ادام قاتىسقان. ولاردى فيزيكالىق بەلسەندىلىگىنە قاراي ءتورت توپقا بولگەن. ءبىرىنشى توپقا از قيمىلدايتىندار، ەكىنشى توپقا جاتتىعۋدى ارا- تۇرا جاسايتىندار، ال ءۇشىنشى جانە ءتورتىنشى توپقا اپتاسىنا كەمىندە 30 مينۋت، تيىسىنشە 4-5 جانە 6-7 رەتتەن فيزيكالىق جاتتىعۋمەن اينالىساتىن ەرىكتىلەر كىردى.
زەرتتەۋ جاتتىعۋدى اپتاسىنا 2-3 رەت جاساۋ ناتيجەسىندە مويىن مەن باس تكانىن وتتەگىمەن قامتاماسىز ەتەتىن ورتاشا كولەمدى، جاس قان تامىرلارى پايدا بولاتىنىن انىقتادى. بۇدان دا بەلسەندى ءومىر سالتى كەۋدە مەن قارىندا جاڭاعىدان ۇلكەنىرەك ارتەريالار تۇزىلۋىنە اكەلەتىن بولىپ شىقتى.
عالىمداردىڭ ايتۋىنشا، زەرتتەۋ قورىتىندىسى نەگىزىندە جۇرەك جانە جۇرەك- قان تامىرلارى جۇيەسىن جاسارتۋعا كومەكتەسەتىن جاتتىعۋلار كەشەنىن جاساۋعا بولادى. سونىمەن قاتار 70 جاستان كەيىنگى فيزيكالىق بەلسەندىلىك قان تامىرلارىنىڭ قارتايۋىن توقتاتا المايتىنى انىقتالدى. الايدا، ورتا جاستاعى ادامدار فيزيكالىق جاتتىعۋلار ارقىلى دەنساۋلىقتارىن ايتارلىقتاي جاقسارتىپ، ەرتە ءولىمنىڭ الدىن الا الادى.
Baq.kz