قازاقستاندىق كاسىپكەرلەر رەسەيدە قانداي كەدەرگىلەرگە تاپ بولىپ ءجۇر

None
None
استانا. قازاقپارات - رەسەي مەن ەۋروپا اراسىنداعى سانكسيالىق تەكەتىرەستەر قازاقستاندىق كاسىپكەرلەردىڭ جاعدايىن قيىنداتتى. بۇگىندە كورشى ەلدىڭ فەدەرالدى ورگاندارى ءوز نارىعىن قورعايمىز دەپ، قوسىمشا اكىمشىلىك كەدەرگىلەردى كوبەيتىپ تاستاعان.

استانادا وتكەن كەزدەسۋدە «اتامەكەن» ۇ ك پ باسشىسى ابىلاي مىرزاحمەتوۆ وسىلاي ءمالىم ەتتى، دەپ حابارلايدى قازاقپارات ءتىلشىسى.

«قازىر رەسەيدەگى سانكسيالىق رەجىم كوپتەگەن قولايسىزدىقتارعا سەبەپ بولىپ وتىر. جارايدى، ءبىزدىڭ كاسىپكەرلەرىمىز وعان دا بەيىمدەلدى. بىرنەشە جىل بۇرىن ۋكرايناعا باراتىن ترانزيت ماسەلەسى دە قيناپ تاستادى. جەرگىلىكتى بيلىك رەسەي پرەزيدەنتىنىڭ جارلىعى بار دەپ، قازاقستاندىق تاۋارلاردى ۇستاپ، ءبىراز قيىندىق جاسادى. سول كەزدە بيزنەسمەندەر جىلدار بويى جاساعان ترانزيتتىك باعىتتارىن وزگەرتۋگە ءماجبۇر بولدى. ال ءبىر اپتا، ءيا بولماسا، ءبىر ايدىڭ ىشىندە ءبارىن وزگەرتۋ مۇمكىن ەمەس. قازىردىڭ وزىندە ۋكراينامەن اراداعى ساۋدا- ساتتىق كۇرت تومەندەدى»، - دەدى ابىلاي مىرزاحمەتوۆ.

ونىڭ ايتۋىنشا، شەكارا ماڭىنداعى ايماقتاردا وتاندىق كاسىپكەرلەرگە ءبىراز شەكتەۋلەر قويىپ تاستاعان. مەملەكەتتىك ساتىپ الۋلارعا دا قاتىسۋ قيىن. «ماسەلەن، بەلگورودتا ارنايى كۋالىكتى ەنگىزىپتى. ونسىز سول جەردەگى تەندەرلەرگە قاتىسا المايسىڭ. ال ونداي كۋالىكتەر تەك جەرگىلىكتى بيزنەسمەندەرگە عانا بەرىلەدى. ءدال سونداي تاجىريبە بارلىق وڭىرلەردە بار. ءبىزدىڭ بيزنەسمەندەرىمىز بازارلارعا دا كىرە الماي ءجۇر. بۇكىل جەردە فەدەرالدى جۇيە، گۋبەرناتورى بار جانە تاعىسىن تاعى. ءبىز ءوز جەرىمىزدەگى بيۋروكراتياعا شاعىمدانامىز. ول جاقتا بىزدەن دە وتكەن بيۋروكراتيا ەكەن. نەگىزى، ولارعا قاراعاندا، بىزدەر ەاەو پەن دسۇ مىندەتتەمەلەرىن ساقتاپ كەلەمىز. دەگەنمەن، ءبىز ون وبلىستى ارالاپ كەلدىك. سوندا جەرگىلىكتى بيزنەستە پروتەكتسيانيستىك ۇستانىم باسىم. وتاندىق كاسىپكەرلەر دە ءوز نارىعىمىزدى بارىنشا قورعايىق دەپ وتىر. ايتپەسە، ءبىز عانا بارلىق تالاپتاردى ساقتاي بەرسەك، ەشبىر پايدا بولمايتىن ءتارىزدى»، - دەپ اتاپ كورسەتتى ا. مىرزاحمەتوۆ.

 ايتا كەتەيىك، بۇگىن ەاەو كوللەگياسىنىڭ مۇشەسى تيمۋر جاقسىلىقوۆ وتاندىق بيزنەسمەندەرمەن كەزدەسىپ، ماڭىزدى ءبىر كەڭەس بەردى. ونىڭ ايتۋىنشا، الداعى ۋاقىتتا وداقتىڭ ىشىندە تاعى ءبىر كەڭەس بولادى.

فوتو: beta.palata.kz

اۆتور: ارمان اسقاروۆ

سوڭعى جاڭالىقتار