مەيرامبەك بەسپايەۆ پەن قالقامان سارينگە ەستافەتا جولداندى

  استانا. قازاقپارات - مادەنيەت جانە سپورت ءمينيسترى ارىستانبەك مۇحامەدي ۇلىنىڭ باستاماسىن ءىلىپ اكەتكەن الماتى وبلىسى اكىمىنىڭ ورىنباسارى جاقسىلىق ومار سالاۋاتتى ءومىر سالتىن ناسيحاتتايتىن اكسيانى ءانشى مەيرامبەك بەسپايەۆقا جانە اقىن قالقامان سارينگە جولدادى، دەپ حابارلايدى قازاقپارات ءتىلشىسى.

«مەملەكەتتىك قىزمەتشىلەر قازاقستاندىقتارعا جۇمىس باستىلىق پەن پسيحولوگيالىق قىسىمدارعا قاراماستان، كەز كەلگەن ادام ءوزىنىڭ دەنە قالپىن قالاي ساقتاپ ءجۇرۋى كەرەكتىگىن كورسەتۋدى باستاپ كەتتى. بۇل جولى Street Workout Challenge باستاماسىنا الماتى وبلىسى اكىمىنىڭ ورىنباسارى جاقسىلىق ومار، بەيجىڭ وليمپياداسىنىڭ كۇمىس جۇلدەگەرى نۇرباقىت تەڭىزبايەۆ پەن وبلىس ورتالىعىنىڭ سپورتشىلارى قولداۋ ءبىلدىرىپ، فيزيكالىق ماشىقتارىن پاش ەتتى» ، - دەلىنگەن حابارلامادا.

ازداپ جۇگىرىپ كەلگەننەن كەيىن اكسياعا قاتىسۋشىلار تالدىقورعانداعى Street Workout الاڭدارىنىڭ بىرىنە كەلدى. قاتىسۋشىلار برۋسيادا جانە تۋرنيكتە جاتتىعۋ جاساپ جاتقان كەزدە ءبىرشاما حالىق تا جينالىپ قالدى. تۇرعىندار اسقان شەبەرلىكپەن تۋرنيكتە قۇبىلا جاتتىعۋ جاساعان ءوڭىر سپورتشىلارىنىڭ ونەرىن تامسانا باقىلادى.

قازاقستان رەسپۋبليكاسىنىڭ مادەنيەت جانە سپورت ءمينيسترى ارىستانبەك مۇحامەدي ۇلىنىڭ باستاماسىن ءىلىپ اكەتكەن جاقسىلىق ومار ءوزىنىڭ ارىپتەسى - الماتى وبلىسى اكىمىنىڭ ورىنباسارى ارمان قىرىقبايەۆقا، سونىمەن بىرگە بەلگىلى ءانشى مەيرامبەك بەسپايەۆقا جانە اقىن قالقامان سارينگە جولدادى.

ەسكە سالا كەتسەك، «Street Workout KZ» اكسياسىن ق ر مادەنيەت جانە سپورت ءمينيسترى ارىستانبەك مۇحامەدي ۇلى باستاپ بەرگەن بولاتىن. ارىستانبەك مۇحامەدي ۇلى جوبانى ءوزى باستاپ، «Street Workout KZ»  بايقاۋىن - وليمپيادا چەمپيونى سەرىك ساپيەۆكە، تانىمال ءانشى قايرات نۇرتاسقا، تانىمال قازاقستاندىق اكتەر ءادىل احمەتوۆقا جولداعان ەدى.

ال بۇدان كەيىن بوكسشى باقتيار ارتايەۆ پەن تاەكۆوندوشى ارمان چيلمانوۆ ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ Street workout KZ بويىنشا باستاماسىنا قوسىلدى.

اكتسيانى كەيىن اتىراۋ وبلىستىق دەنە شىنىقتىرۋ جانە سپورت باسقارماسىنىڭ باسشىسى ازامات بەكەت بەيجىڭ وليمپيادا ويىندارىنىڭ تاەكۆاندودان قولا جۇلدەگەرى ارمان چيلمانوۆتان ەستافەتانى قابىلداپ، سوچي وليمپيادا ويىندارىنىڭ قولا جۇلدەگەرى مانەرلەپ سىرعاناۋشى دەنيس تەن جانە بوكستان الەم چەمپيونى گاليب دجافاروۆپەن بىرگە بەينە- ۇندەۋ تۇسىرگەن. روليكتە سپورتشىلار بارلىق قازاقستاندىقتاردى street workout-پەن اينالىسۋعا شاقىردى.

 ايتا كەتەرلىگى، بۇعان دەيىن اتالعان اكسياعا قانات يسلام دا اتسالىسىپ، ەستافەتانى ءدال وسى ارداق نازاروۆقا جولداعان ەدى. سپورتشىلارمەن بىرگە ەسترادا جۇلدىزدارى دا، شەتەلدەگى قازاق ستۋدەنتتەرى دە بەلسەندى تۇردە قاتىسۋدا.