پوليتسەيلەر «ينتەرنەت- بانكينگ» الاياقتارىنان ساق بولۋدى ەسكەرتتى
ماسەلەن، الاياقتار پاتەر مەن كولىك ساتۋ جارنامالارى ىلىنەتىن سايتتاردان الەۋەتتى قۇرباندارىن تاۋىپ الادى دا ولارعا تەلەفونمەن بايلانىسقا شىعادى. سودان كەيىن پاتەردى نەمەسە كولىكتى ساتىپ الۋعا دايىن ەكەندىكتەرىن جانە كەپىل اقشا جىبەرۋگە نيەتتى ەكەندىكتەرىن بىلدىرەدى. ساتۋشىنىڭ سەنىمىنە كىرگەن سوڭ وعان تولەم كارتاسىنىڭ «ينتەرنەت بانكينگ» قىزمەتىنە قوسىلۋدى ۇسىنىپ، ءوزىنىڭ ۇيالى تەلەفونىنىڭ ءنومىرىن ايتادى. وسىلايشا، كوپ جاعدايدا زارداپ شەگۋشىلەر «ينتەرنەت بانكينگ» قىزمەتىنىڭ قالاي جۇمىس ىستەيتىندىگىن بىلمەگەندىكتەن قاسكۇنەمدەرگە بانك كارتاسى مەن ەسەپشوتىندا جاتقان اقشا قاراجاتىن باسقارۋعا تولىقتاي رۇقسات بەرىپ قويادى.
«اعىمداعى جىلدىڭ ساۋىرىندە ازامات م- عا بەلگىسىز بىرەۋ WhatsApp مەسسەندجەرى ارقىلى ينتەرنەتكە ورنالاستىرعان اۆتكولىكتى ساتىپ العىسى كەلەتىندىگى تۋرالى حابارلاما جازعان. حات جازىسۋ بارىسىندا بەلگىسىز ادام كولىكتى ساتىپ العىسى كەلەتىندىگىن، ءبىراق باسقا قالادا جۇرگەندىكتەن تولەمدى ساتۋشىنىڭ كارتاسىنا جىبەرۋگە، ال اۆتوموبيلدى كەيىن الىپ كەتۋگە دايىن ەكەندىگىن ايتادى. الاياقتىڭ وتىنىشىمەن ازامات م WhatsApp ارقىلى ءوزىنىڭ كارتاسىنىڭ مالىمەتتەرىن جىبەرگەن. سودان كەيىن ونىڭ ابونەنتتىك نومىرىنە ينتەرنەت بانكينگتەگى جەكە كابيلەتىنە ەنۋ كودى بار س م س- حابارلاما كەلگەن جانە ونى الاياققا ايتىپ بەرگەن. ال بىرنەشە ۋاقىتتان كەيىن وعان بارلىق اقشا قاراجاتىنىڭ بوگدە كارتانىڭ ەسەپشوتىنا اۋدارىلعاندىعى تۋرالى س م س- ەسكەرتۋ كەلگەن. الاياق اقشانى اۋدارىپ العاننان كەيىن ۇيالى تەلەفونىن ءوشىرىپ تاستاعان» ، - دەپ اتاپ وتەدى دەپارتامەنتتەن.
وسىعان بايلانىستى استانا قالالىق ىشكى ىستەر دەپارتامەنتى ازاماتتارعا بارىنشا ساق بولۋدى جانە مىنا جايتتاردى قاپەردە ۇستاۋدى ەسكەرتەدى:
كارتا ەسەپشوتىنىڭ جەكە مالىمەتتەرى مەن پين- كودتى ەشكىمگە بەرۋمەۋ؛
بەلگىسىز تەلەفوندارعا اقشانى اۋدارماۋ؛
انونيمدى تولەم جۇيەسى ارقىلى بەلگىسىز ادامدارعا اقشا اۋدارماۋ؛ كومپيۋتەردە نەمەسە ۇيالى تەلەفوندا كۇدىكتى باعدارلامالار مەن قوسىمشالاردى پايدالانباۋ قاجەت.
اۆتور: مارلان جيەمباي